COVID-19 တၢ်ပတုာ်တၢ်နီဟးထီၣ်အဂ့ၢ်အကျိၤ | Eviction Moratorium - Karen

ဘၣ်တၢ်မၤသီထီၣ်အီၤ (လါယူၤလံ, ၁၄ သီ), ၂၀၂၀

ဖဲလါယူၤ ၂၆ သီ, ၂၀၂၀ န့ၣ်, Oregon ကီၢ်စဲၣ်ပှၤဒုးအိၣ်ထီၣ်သဲစးတၢ်ဘျၢအံၤ ပာ်လီၤတၢ်ဘျၢ HB 4213လၢကမၤယံာ်ထီၣ်တၢ်ပတုာ်တၢ်နီဟးထီၣ်လၢကီၢ်စဲၣ်ဒီတဘ့ၣ်အပူၤလၢပှၤအိၣ်ဆိးအလီၢ်မ့ၢ်ဂ့ၤပနံာ်ကၤတၢ်မၤလီၢ်သ့ၣ်တဖၣ်မ့ၢ်ဂ့ၤတုၤလၢ လါစဲးပထ့ဘၢၣ် ၃၀ သီ, ၂၀၂၀ န့ၣ်လီၤ. တၢ်အဘူးအလဲလံာ်ဖှီတဲာ်အံၤဟ့ၣ်စ့ၢ်ကီးပှၤဒိးလဲတၢ်ဖိတဖၣ်တုၤလၢလါမာ်ှရး ၃၁ သီ, ၂၀၂၁ ဒ်သိးကဟ့ၣ်တၢ်အဘူးအလဲလၢအိၣ်တ့ၢ်သ့ၣ်တဖၣ်အဂီၢ်လီၤ. 

ဃုကွၢ်အါထီၣ်တၢ်ဂ့ၢ်တၢ်ကျိၤဘၣ်ဃးတၢ်ပတုာ်လၢလာ်အံၤတက့ၢ်.

ဟ့ၣ်ဟံၣ်အဘူးအလဲတန့ၢ်ဘၣ်ဧါ.

နမ့မ့ၢ်ပှၤဒိးလဲအိၣ်ဟံၣ်ဖိဖဲ Oregon လၢအဟ့ၣ်ဟံၣ်လဲမ့တန့ၢ်ဘၣ်န့ၣ်, တၢ်တနီဟးထီၣ်နၤလၢတၢ်ဟ့ၣ်ဟံၣ်လဲတန့ၢ်ဘၣ်အဃိဖဲတၢ်ပတုာ်အဆၢကတီၢ်အံၤဘၣ်. နတလိၣ်ပာ်ဖျါထီၣ်တၢ်အုၣ်သးလၢနဟ့ၣ်အဘူးအလဲတန့ၢ်ဘၣ်အဂီၢ်ဘၣ်.

ပှၤဒိးလဲအိၣ်ဟံၣ်ဖိအံၤကအိၣ်ကီးတၢ်ဆိကတီၢ်တၢ်ဟ့ၣ်အဘူးအလဲအဆၢကတီၢ် ၆ လါ, စးထီၣ်လၢလါအီးကထိဘၢၣ် ၁ သီ, ၂၀၂၀ တုၤလါမာ်ှရး ၃၁ သီ, ၂၀၂၁ ဒ်သိးကဟ့ၣ်က့ၤဟံၣ်လဲလၢတၢ်ပတုာ်အဆၢကတီၢ်အဂီၢ်လီၤ. ဖဲတၢ်ဆိကတီၢ်တၢ်ဟ့ၣ်အဘူးအလဲအဆၢကတီၢ်န့ၣ်, ပှၤဒိးလဲဟံၣ်ဖိသ့ၣ်တဖၣ်အံၤတၢ်ကလိၣ်ဘၣ်အီၤလၢကဟ့ၣ်အဟံၣ်လဲလၢအဆၢကတီၢ်ဘၣ်ဃုာ်ဒီးအဘူးအလဲလၢအပူၤကွံာ်တဟ့ၣ်ဘၣ်ဒံးဝဲသ့ၣ်တဖၣ်န့ၣ်လီၤ.

နမ့ၢ်ဒိးလဲလီၤနဟံၣ်ဒီး

outline of a person with a check next to it

  • တၢ်ပတုာ်အီၤဒီသဒၢပှၤဒိးလဲအိၣ်ဟံၣ်ဖိ လၢအဟ့ၣ်အဘူးအလဲတန့ၢ်သ့ၣ်တဖၣ်လၢတၢ်တနီဟးလီၤအီၤအဂီၢ်တုၤလၢလါစဲးပထ့ဘၢၣ်အသီ ၃၀, ၂၀၂၀ န့ၣ်လီၤ.

  • တၢ်အံၤတဒီသဒၢပှၤဒိးလဲတၢ်ဖိလၢတၢ်နီဟးလီၤအီၤလၢတၢ်ဘျၢသဲစးအတၢ်ပညိၣ်အဂၤတဖၣ်ဘၣ်.

calendar icon

  • တၢ်ဆၢကတီၢ်မ့ၢ်ဘၣ်လၢတၢ်ဟ့ၣ်ဟံၣ်လဲအခါနဟ့ၣ်အီၤမ့ၢ်န့ၢ်ဒီး, နကြၢးဟ့ၣ်အီၤန့ၣ်လီၤ.

documents

  • တလိၣ်လၢနကပာ်ဖျါထီၣ်စ့ဟဲနုာ်လီၤစှၤတၢ်အုၣ်သးဆူနဟံၣ်ကစၢ်အအိၣ်ဘၣ်.

  • ဘၣ်ဆၣ်သနာ်က့, ပၢၤဃာ်လံာ်တၢ်ကွဲးနီၣ်ကွဲးဃါခဲလၢာ် ဒ်သိးနကကြၢးဝဲဘၣ်ဝဲဒီးကီၢ်စဲမ့တမ့ၢ်ကီၢ်စၢဖှိၣ်တၢ်ဒိးလဲဟံၣ်အတၢ်မၤစၢၤတၢ်ရဲၣ်တၢ်ကျဲကသ့အဂီၢ်တက့ၢ်.

money sign

  • တၢ်ဆိကတီၢ်တၢ်ဟ့ၣ်အဘူးအလဲအဆၢကတီၢ်အံၤစးထီၣ်သးဖဲတၢ်ဆိကတီၢ်ကွံာ်တၢ်ပတုာ်တၢ်နီဟးလီၤဝံၤအခါန့ၣ်လီၤ. နကအိၣ်ဒီးတၢ်ဆၢကတီၢ်စးထီၣ်လၢ လါအီးကထိဘၢၣ် ၁သီ, ၂၀၂၀ တုၤလါမာ်ှရး ၃၁ သီ, ၂၀၂၁ ဒ်သိးနကဟ့ၣ်က့ၤဟံၣ်လဲလၢတၢ်ပတုာ်တၢ်နီဟးလီၤအကတီၢ်အဂီၢ်လီၤ.

  • ဖဲတၢ်ဆိကတီၢ်တၢ်ဟ့ၣ်က့ၤအဆၢကတီၢ်န့ၣ်, တၢ်ကလိၣ်ဘၣ်နၤလၢနကဟ့ၣ်ဟံၣ်လဲလၢအဆၢကတီၢ်ဘၣ်ဃုာ်ဒီးအဘူးအလဲလၢအပူၤကွံာ်တဟ့ၣ်ဘၣ်ဒံးဝဲသ့ၣ်တဖၣ်န့ၣ်လီၤ.

scales of justice

  • နဟံၣ်ကစၢ်မ့ၢ်မၤပျံၤနၤလၢကနီဟးလီၤနၤ, ဃ့စ့အီၣ်လီးလၢတၢ်ဟ့ၣ်အဘူးအလဲစဲၤခံ, မ့တမ့ၢ် နမ့ၢ်လိၣ်ဘၣ်အါထီၣ်တၢ်နဲၣ်ကျဲဒီး, ဃုဒိးန့ၢ်သဲစး တၢ်ဟ့ၣ်ကူၣ်မ့တမ့ၢ်တၢ်ဆီၣ်ထွဲမၤစၢၤလၢပှၤတဝၢဂံၢ်ခီၣ်ထံးတၢ်မၤစၢၤဒ်အမ့ၢ် Community Alliance of Tenants မ့တမ့ၢ် Legal Aid Services of Oregon တဖၣ်အအိၣ်တက့ၢ်.

  • ဟံၣ်ကစၢ်ဒီးပှၤဒိးလဲအိၣ်ဟံၣ်ခံခီယၢ်ပၤလၢာ်အံၤမ့ၢ်ဘၣ်သးဝဲန့ၣ်, အဝဲသ့ၣ်ဒုးအိၣ်ထီၣ်တၢ်ဟ့ၣ်အဘူးအလဲတၢ်တိာ်ကျဲၤသ့ဝဲန့ၣ်လီၤ. ဘၣ်ဆၣ်သနာ်က့, တၢ်အံၤတအိၣ်ဒီးသဲစးအတၢ်လိၣ်ဘၣ်လၢပှၤဒိးလဲအိၣ်ဟံၣ်ဖိအံၤကဒုးအိၣ်ထီၣ်ဝဲတၢ်ဟ့ၣ်အဘူးအလဲအတၢ်တိာ်ကျဲၤဘၣ်.