COVID-19 घरजग्गाबाट हटाउने कार्यको स्थगनसम्‍बन्धी जानकारी | Eviction Moratorium - Nepalese

अद्यावधिक गरिएको मिति: 16 जुलाई, 2020  

जुन 26, 2020 मा, ओरेगन राज्यको व्यवस्थापिकाले आवासीय तथा व्यावसायिक दुवै किसिमका घरजग्‍गाहरूबाट हटाउने कार्यको राज्यव्यापी स्थगन अवधिलाई सेप्टेम्बर 30, 2020 सम्‍मका लागि बढाउँदै HB 4213 लाई पारित गर्‍यो । यो विधेयकले भाडावालहरूलाई तिर्न बाँकी रहेको भाडा रकमलाई मार्च 31, 2021 सम्‍म बुझाउने समय पनि दिन्छ । 

स्थगनका बारेमा तल थप जानकारी प्राप्त गर्नुहोस् ।

भाडा तिर्न सक्‍नुहुन्‍न ?

यदि तपाईं आफ्‍नो भाडा तिर्न नसक्‍ने ओरेगनको भाडावाल हुनुहुन्छ भने स्थगनको अवधिमा भाडा नतिरेको कारण तपाईंलाई घरजग्गाबाट हटाउन सकिँदैन । तपाईंले आफूले भाडा तिर्न नसक्‍ने कुराको प्रमाण उपलब्ध गराउनुपर्दैन ।

स्थगन अवधिको बाँकी रहेको आफ्‍नो भाडा तिरिसक्‍नका लागि भाडावालहरूसँग अक्टोबर 1, 2020 देखि मार्च 31, 2021 सम्‍मको छुट अवधि हुनेछ । तिरिसक्‍नुपर्ने यो छुट अवधिमा, भाडावालहरूले पहिलेको तिर्नुपर्ने भाडा रकमका अतिरिक्त हालको भाडा तिर्नुपर्ने समय आएपछि तिर्नुपर्नेछ ।

यदि तपाईंले घर भाडामा लिनुभएको छ भने

outline of a person with a check next to it

  • यो स्थगनले भाडा तिर्न नसक्ने कुनै पनि भाडावाललाई घरजग्गाबाट हटाउने कार्यबाट सेप्टेम्‍बर 30, 2020 सम्म संरक्षण गर्छ ।

  • स्थगनले कुनै पनि भाडावाललाई सेप्टेम्बर 30, 2020 सम्म घरजग्गाबाट कारण बिना हटाइनबाट पनि बचाउँछ ।

  • यसले आवासीय भाडावालहरूलाई अन्य कुनै पनि वैध प्रयोजनका लागि हटाउने कार्यबाट बचाउँदैन तर घरमालिकले आफ्नो भाडावाललाई निकाल्नुको कारण अनिवार्य रूपमा जानकारी गराउनुपर्छ ।

calendar icon

  • यदि तपाईं तिर्नुपर्ने समयमा भाडा तिर्न सक्‍नुहुन्छ भने तपाईंले आफ्‍नो भाडा तिर्नुपर्छ ।

documents

  • तपाईंले आफ्‍नो घरमालिकलाई आफ्‍नो आयको घटेको प्रमाण उपलब्ध गराउनुपर्दैन ।

  • यद्यपि, आफूसँग भएका सबै कागजातहरूलाई सुरक्षित राख्‍नुहोस् ताकि तपाईं राज्य वा सङ्घीय कुनै पनि भाडा सहयोग कार्यक्रमहरूका लागि योग्य हुन सक्नुहोस् ।

money sign

  • स्थगन हटाइसकेपछि तिरिसक्‍नुपर्ने छुट अवधि सुरु हुन्छ । स्थगन अवधिको बाँकी रहेको आफ्नो भाडा तिरिसक्‍नका लागि तपाईंसँग अक्टोबर 1, 2020 देखि मार्च 31, 2021 सम्‍मको समय रहनेछ ।

  • तिरिसक्‍नुपर्ने यो छुट अवधिमा, तपाईंले पहिलेको तिर्नुपर्ने भाडा रकमका अतिरिक्त हालको भाडा तिर्नुपर्ने समय आएपछि तिर्नुपर्नेछ।

scales of justice

  • घरजग्गाबाट हटाउने कार्यको स्थगन गर्ने कानुनको कुनै पनि भागलाई उल्लङ्घन गर्ने घरमालिकहरू विरुद्ध भाडावालहरूद्वारा मासिक भाडा रकमको तीन् गुणासम्मको रकम दाबी मुद्दा हाल्न सकिन्छ ।

  • यदि तपाईंको घरमालिकले तपाईंलाई घरजग्गाबाट हटाउने धम्की दिएमा, विलम्ब शुल्कहरू लगाएमा वा तपाईंलाई थप दिशानिर्देशन आवश्यक परेमा कम्युनिटी अलाएन्स अफ टेनान्टस्  वा लिगल एड सर्भिसेज अफ ओरेगन जस्ता सामुदायिक श्रोतसाधनहरूबाट कानुनी सुझाव वा सहायता प्राप्त गर्नुहोस् ।

  • यदि दुवै पक्षहरूले चाहेमा घरमालिक र उनीहरूका आवासीय भाडावालहरूले भुक्तानी योजनाहरूको सम्झौता गर्न सक्छन् । भुक्तानी योजनाको सम्झौता गर्नैपर्छ भन्ने कुनै कानुनी आवश्यकता छैन ।