Suk sefan fiti Tumwunoch 

Non May 7, Governor Brown a announcini ekis me ekis suk sefani Oregon. Multnomah County iei mei nom won Phase 1 an suk sefan. Phase 1 a pachonong mommot mwonge non restaurants fiti onuw-feet towaw fesen nefinen aramas, chon angangen won inis (nenien fich, me kewe gym), me pwan ioien cho fengen epwe chok tori 25 aramas. 

Iei mwo kewe business me kewe services ra suk sefan, COVID-19 mei chok nom nefinach. Kich mei chok nom fengen me COVID-19 tori ach sipwe kuna safean. Sipwe fori ach angang ne anisi tumwunuw ach famini, chiechiach, me ach kewe neighbors ika kewe mei nonnom unukuch.

Seni fan ewe July 1, eppetin mas a require non nenien public non Oregon. Ei requirement ese pwan apply ngeni semirit ierir a kukkun seni 5, pwan ngeni aramas mei ter ika meior ar semwen a ngaw ngenir ar repwe aea kewe eppetin mas.

Multnomah County a pesei ngeni noun aramas repwe fiti ouwcheani ewe onnuk ewe governor a opwungano. Nge, kewe angangen koum me kesit ren aramas mei chon, aramasen nom, me aramas mei sokono unucher ra aea eppetin mas a ouwchea sipwe weweiti pwun ew pekin safety ngenir. Ewe county esapw tongeni fori ew sokkun nikinik an epwe oumwesi ika ammafena aramas. Sia fen awattei me opochokuna pekin donationun eppetin mas ngeni kewe mei kon watte efeiengawen ei semwen ngenir – kewe chon angang mei ouwchea ar kewe angang faniten ei semwen, kewe mei mwukono ika chinap apwangapwang, ika pwan kewe aramas esapw ir mei pwech mei sokono unucher. Kose mwochen awora sufon me tipe tekison, esapw wor koum me kesit, iwe kosapw pwan fori an police angang ngeni ekkoch.

Sinei ochuw pworousen eppetin mas me COVID-19.

drawing of a woman in a house

Pochokun non om nonnomw

Ewe monumonun semwen a efisata COVID-19 a mecheres ne ter ngeni aramas. Opochokunok non om nonnomw:

  • Sopweno ne ouku om churi aramas esapw chon non imwom
  • Awora 6 feet nefinom seni aramas non public me pwan kewe ouwse nonnomw fengen
  • Epeti ei semwen esapw ter ne nimeti poum iteitan me epeti om mor
  • Achocho ngeni kosapw atapa won mesom 
  • Tofi ochuw ngeni sopwun nimet ekewe neni ka soun atapa
  • Aea eppetin mas nupwen ka tou non public
  • Ika pwun ka semwen, nomwetiw non imw fiti tumwunuw ekkoch resapw nom unukum

Ika meior rem sokkun semwen ren pekin semwenin ngasangas, kosefan, suke ika feita cha, iwe a kon efeiengaw ngonuk ei COVID-19 ika pwun e toruk. Kokori noum doctor om kopwe sinei met kopwe fori ika pwun ei semwen e toruk. 

decorative image

Ika pwun ka mefi semwen

Ika ka pwopwuta ne mefi semwen — akkaewin ren pwichikar me mor — nomwetiw non imw iwe fori kewe mettoch ke kan mina nupwen ka mefi semwen an epwe wes sonuk: annut, asoso, unumong konik. Ese mwo wor safei ren ei COVID-19.

Kokori noum ewe chon safei ika pwun ka mefi semwenin ei COVID-19 ar repwe anisuk ren met kopwe tongeni fori.

Ikkei kei monumon:

  • Mor
  • Mwoch ika weiresin ngasangas
  • Pwuchikar
  • Fow
  • Chech fiti fow
  • Metek futuk
  • Cheuch Mekur
  • Metek non chior
  • Kese tongeni neni me tini mettoch 

Noumw ewe chon safei a tongeni ngonuk ourour ren met kopwe fori om kopwe churi chon safenuk iwe repwe fini ika ka tongeni no angei ewe test. Ika pwun eseor noum chon safei, kokori 211 ren kana clinic kopwe tongeni kokorir mei kan ngonuk me pwan om kopwe sinei kewe nenien test fiti ifan usun om kopwe test. Ika pwun en chon Multnomah County, ka tongeni kokori ach ei Community Health Centers won 503-988-5558. Insurance me taropwen immigration ese pwan require iwe eseor epwe niwin ika pwun rese tongeni kamotiw.

Ka pwan tongeni cheki ika pwun epwe mecheres ne uruk COVID-19 ren an epwe anisi om ekiek an epwe ifa usun om kopwe sinei met sokkun tumwun kopwe ani. Tiki na “fosun ekis” fatiwen na website ren om kopwe fini fosun ian ke mwochen.

home isolation

Eimwukono seni meinisin me neimw

Ika pwun ke semwen ren kewe monumonun COVID-19, asoso me echikarok eimwukono non neniom seni aramasen non imwomuwe. Ka tongeni wes ne eimwukono seni aramas mwurin:

  • Kukkunun me fan epwe 3 ran (24 awa) epwe passino an a wes om mefi pwichikar me om mor ika om ngasangas ra och sefan ka mefi chikar (kese pwan chiwen un safeen mor me pwichikar).
  • Epwe mwaren ukukun 10 ran a passino mwurin om mefi wonungawen semwen.
  • Immigrations me Customs Enforcement (ICE)

Seni non ewe March 18, ICE a announce-ini pwun epwe mwo chok aro kouno ne fori an kewe angangen tichiki pekin nenengeni kewe ir mei atai onukun tomwaninong non merika nge eseor nour taropwe. Faniten ei wewe iwe aramas resapw mefi nimwokus ar repwe chuto ika churi kewe imwen safei ar repwe safei pwun esapw wor chon tichiki nour taropwen immigration.

Public Charge me COVID-19

Ewe federal government a announce-ini pwun pekin safeen me kewe services ren coronavirus (COVID-19) ngeni aramas esapw wor osukosukan ar repwe aea ika pwun ir mei mwochen apply ngeni ar repwe nonnomw non Unites States. Ren manapen pworous ren sokkun public benefits ka tongeni angei ika aea, kokori 211 om kopwe pwusin fos ngeni emon mei sine fosun fonuwom ewe. Ika mei wor pwusin tichikin kapaseis ren kewe public benefits me public charge, kokori ewe Oregon Law Center/Legal Aid Services of Oregon Public Benefits Hotline won 1-800-520-5292.

Ourek non nenien angang

Ion meior an ourek ren pekin osukosuk ika mettoch mei ngaw ika efeiengaw non an nenien angang a tongeni reportini met ese pwung ngeni OSHA (Oregon Safety and Health Administration) won 800-922-2689.

Ika pwun en emon chon angang ka mefi pwun om ewe angang ese safe, ka tongeni file-ini om complaint ngeni Oregon Occupational Health and Safety. Na taropwen complaint a pwan wor non fosun Merika me Spain.

Ewe Bureau of Labor and Industries non Oregon a anisi kewe chon angang ren nour ika ar Sick Time, ewe Oregon Family Leave Act, me pwan ekkoch resources. Ika pwun en emon chon angang a wor om kapaseis ka tongeni kokori 971-673-0761 ika email mailb@boli.state.or.us.

Pwan Ekkoch Pworous

Ia Kopwe tongeni test ia? (Where Can I get Tested?) 

Met epwe fis atún om angei ei COVID-19 Test? (What To Expect From Your COVID-19 Test?)

COVID-19 weweochun porous - Chuukese (139.61 KB) | Do your part poster

COVID-19 taropwen porous (787.68 KB) | Community flyer

Kapaseis?

Kokori 2-1-1, 7 ran non ew week seni 8 a.m. ngeni 11 p.m. | ika visit 211Info