freeze-chuukese.png

Siwin fan ewe January 6, 2021

Kich mei chiwen nomw ngeni ei COVID-19 tori an chommong aramas repwe safei ika a wor safei-en ei semwen. Awattei nomwetiw non imw fiti ekisano om churi aramas esapw pwusin chochon non imwom ewe ina chok na a tufich sipwe fori ren tumwunun inisich pwusin me pwan ekkoch. A pwan anisi ach kewe nenien safei ar repwe chok suk ngeni kewe mei ouwchea ngenir.

Ennuk me Eureur

Ewe State of Oregon’s Health and Safety Framework guidelines a ekisano pekin mwicheich a onongonong won met kunaien ewe county ren nefenin efeiengawen ei semwen.

Multnomah County a nom non kinikinin “Watten Efeiengaw”, iwe a awora koukun fite ukukun aramas repwe chufengen me minafen ennuk ren kewe business. Kose mwochen no ngeni ewe Governor’s websiteren minafen ennuk me met kewe kosapw fori.

Pekin masamas ra require non Oregon kinikin seni 5 ier eta ngeni mei mukono.

Aninnis me tumwun ngonuk me om famini

Ika ese wor noum doctor, kokori 211 ika Multnomah County Primary Care Health Centers: 503-988-5558. Mei wor chon chiaku ra tongeni anisuk.

Non Multnomah County Clinic:

  • Kese pwan need om kopwe aea health insurance.
  • Kese pwan need ar epwe wor om income.
  • Ka tongeni aea health care pwun ese anongonong won om immigration status ika en chon ian.
  • Sise share ika pwari om kewe information ngeni law enforcement ika kewe chon angangen immigration.

Immigration me Customs Enforcement ra fiti ar onnuk ar resapw fori angangen arrest non kewe nenien health care, ren pioing, doctor’s offices, health clinics, me emergent ika kewe nenien urgent care.

< lang="chk"p>Ika ke chuto om kopwe safei ika ren pekin aninnis faniten COVID-19, ese tongeni angawa itom nupwen kopwe apply ngeni permanent residency ika om kopwe emon chon merika non United States. Aneani pwan ekkoch pworousen Public Charge.

Oppos

Ewe ewin shipment ren opposun COVID-19 a waroto non Oregon. Ei Oppos a chok kouk an epwe no ngeni ekkoch aramas akkom a onongonong won ewe phased plan an Oregon Health Authority.

Nikinikin epwe mwurin fituw pwan maram an ei Opposun COVID-19 epwap tongeni kawor ngeni aramas meinisin.

Ion epwe angei ei tesin COVID-19?

Kopwe no tes ika pwun ke mefi kewe monumonun COVID-19  ika pwan ke nom unukun  emon mei uri COVID-19. Nom unukun wewen ka nom ren emonewe a kukun seni onuw feet iwe a nap seni 15 minutes ika pwan nap seni ew ran ika kese pwan masamas.

Tesin COVID-19 »

Kewe pekin pari ra kan fiffis iteiten ier ika maram me Mwicheich

Ese wor sokkun mwicheich epwe tiweno esapw awora ewe monumonun semwen. A safe om nom nein chokukkunun aramas. Ekieki kei sokkun foffor kopwe fori nupwen ka pari non kei holidays me non mwicheich om kopwe safe.

Ka tongeni eppeti om kosapw semwen ika awora watenon COVID-19:

  • Okukunano
  • Amwochano
  • Fori nukun
  • Awora onuw feet nefin me masamas mesom na

Okouwonoi ei COVID-19 esapw napono

Kewe aramas mei wor ar semwen, ren Kosefan, Suke, ika semwenin ngasangas me semwenin ammat, a kon efeiengaw ngenir ei COVID-19 ika e urir.

Ewe monumon a awora COVID-19 a mecheres an no fetan nefin emon me emon. Met kopwe fori om kosapw semwen:

  • Tonu kisi poum
  • Pacheta mesom ewe nupwen kopwe no fetan
  • Kosapw atapa won mesom
  • Pwonuw om mor me mwesi
  • Awora 6 feet nefinom seni aramas kese nonnom rer
  • Okukunu, amwocha, me emwitiri me pwan efisi nukun ekewe mwicheichen pari me chuchufengen
  • Tofi ngeni minen nimenimen semwen won kewe chepen
  • Okukunu om sai fetan me amwocha chok ngeni imwom

Ika pwun ke mefi wonungaw

Ika pwun ka nukuw pwun ka semwen – akkaewin ren pwichika me mor:

  • Nomwetiw non imw me atowawok seni ekkoch.
  • Kokori noum doctor ika kewe clinic om kopwe katon ika pwun ka need om kopwe tes. Nomwonong non imw tori an noum doctor ika ewe clinic a ura pwun ka tongeni nomw ren ekkoch.
  • Fori met kewe ka kan foffori om kopwe chikar ren: Annut, Asese, unumong konik.

Ese wor pwusin sokkun safe-en COVID-19. 

Ka tongeni aea ewe chekin Coronavirus  an epwe anisuk ne finata ika pwun kopwe no churi pekin aninnis.

Churi chon safei iei chok ika pwun en ika emon ese pwan nifinifin ierin a wor ren kewe sainen emergency ren ei semwen:

  • Weires an epwe ngasangas
  • Metekitek ika chowtiw fan mwarin
  • Sokuk fetan
  • Weires an epwe pwata ika manaweta
  • Chonono mesen awan ika won mesan
  • Metekitek nukan

Kokori 911 ika ewe nenien emergency. Ureni ewe operator pwun en ika iowe e need aninnis ka nukuw pwun a wor ren ewe COVID-19.

 Nenien faten pworous

COVID-19 weweochun porous - Chuukese (139.61 KB) | Do your part poster

COVID-19 taropwen porous (787.68 KB) | Community flyer

CAWEM me COVID19

Multnomah County Mental Health Call Center  | 503-988-4888, toll-free 800-716-9769 - Free 24/7 chon aninnis, fiti chon chiaku. 

Kapaseis?

Kokori 2-1-1, 7 ran non ew week seni 8 a.m. ngeni 11 p.m. | ika visit 211Info