drawing of a woman in a houseOmekerreu el kirel a bkisel a beluu 

Se er a May 7, a Governor Brown a ultebedii a subed el mo ra buai el kirel a olengeasek el bkisel a beluu ra Oregon. Elechang el taem e a Multnomah County a ngara Kot el dauch (Phase 1) ra bkisel a beluu. Tiang el Kot el dauch a uldimukl er a blil a blengur el bol dengchokl a rechad el lomengur el ngara six-feet a delongerir a cheldebechel, siobai er a sabis el ua omengimd el chui ma chundo (salons, barbershops, gyms), ma cheldebechel er a rechad er a beluu el di mo 25 el chad a sebecherir el ngar ngii.  

Me chelechang e a siobai ma sabis a mla lmuut el omkais a chesmerir, eng di COVID-19 a dirk ngar ngii ra beluu. Tiang el COVID-19 a obengked el mo er se el taem el bo er ngii a kerul me a lechub eng mo er ngii a ukeruul el omkar a secher. Kid el rokui el chad a kired el kerekikl el meruul a urered el mengedmokl ra rechad ra blid, telungalek er kid, sechelid, ma tonari er kid.        

Se er a July 1, e ngii a ulmuchel el kired el ousbech a masku se el de ngara chelsel a basio ra buai er a beluu ra Oregon. Elechang el omuchel ra July 15, eng dirrek el kired el ousbech a masku se el de ngar er rikl el diak el sebeched el mengeroid er kid er a bebil er a rechad el 6 feet. Tiang el tekoi a diak el oltaut er ngii el mo ra mekekerei el ngalek el ngeasek a rekrir ra 5 el rak, ma rechard el ngar ngii a rektir me a lechub eng diak el sebecherir el ousbech a masku.  

A Multnomah County a kmal mesisiich el omekduch ra buai el mo ultirakl ra llach el ultebedii a governor. Eng di a mekngit el omeruul el mo ra rechad el diak el becheleleu (el ua Black, Indigenous, ma People of Color) el lou masku al bekikl er ngii. A county a diak el bo el kmal mesisiich el mo oldubech el bulis me a lechub e te mo omechrur er ra rechad. A county a bai mo kot el mesisiich el mo olngeseu el omesterir (donate) a masku el mo tirkei el chad el kmal klou el sebecherir el mo chuarm er tiang el rakt – el ua rechad el diak el sebecherir el stob el oureor (essential workers), chuodel chad, ma rechad ra beluu el diak el bechelelu (communitiess of color). Adang ma ki olengit ra buai me de kadengmes e mengull er a bekl chad, diak de mekngit el mo ra rechad, e diak dou bulis er a rechad.

Omesubel a masku ma COVID-19

decorative imageKlisichel a bedengem er a tiang el rakt

A baiking el omuchel ra COVID-19 a beot el ngmasech ra chad el mo ra tara chad. Ng sebechem el mengetmokl a bedengem meng diak bom secher er a tiang el rakt e ke:

  • Melemolem el diak el betok el taem el bom keed ra rechad el diak el lobengkem el kiei ra blim

  • Mengeroid er kau el ngara 6 feet ra rechad ra buai ma rechad el diak el lobengkem el kiei ra blim

  • Olekebai er a bridel a baiking el blechoel el merisu a chimam e kaba ra ngerem se el mo klukl

  • Ng diak merterutech ra medam  

  • Melatech e disinfect a basio el betok a rechad el merterutech er ngii

  • Masku se el tuobed ra blim el mo ra buai

  • A lsekum e ke smecher, e mo mekerreu el di kiei ra blim e mongeroid er kau er a rechad meng diak el ngasech a rakt er tir

A lsekum eng ngar ngii a meketeket el rektem me a lechub eng ngar ngii a mekngit er a bedengem el ua chaidireng/ulum, ngul, sugal me a lechub eng high blood pressure er kau, eng sebechem el kmal mo meringel smecher ra COVID-19.  Mo mekedong el mo ra toktang er kau el mo tibir a kirel a kutmeklem a lsekum e ke mo smecher.  

decorative imageA lsekum eng ngar ngii er a bedemgem el kmo ke smecher

A lsekum e komuchel el mo ngar ngii er a debengem el kmo ke smecher – tokubets al mekeald a bedengem e moklukl – mkiei ra blim e moruul a ikei el blechoel el meruul el mengemokl er kau me ke mo ungil el diak kem secher: ke mechiuaiu, ke olengull, e melim a betok el ilumel/sub (fluids). Ng dirkak el bo er ngii a kerul a COVID-19.

Mo dengua el mo ra toktang er kau a lsekum eng ngar ngii a blekeradel el molangch eng COVID-19 e ousbech el melai a tekingel a toktang. 

A olangch a uldekdak er a ikakid:  

  • Klukl

  • Sel, kedeb a telim me a lechub e ke meringel el outeliil

  • Mekeald a bedengem

  • Ilalidel, mekerasem

  • Ombibritel ra kerrasem

  • Meringel a chude (muscle)

  • Meringel a bdelum

  • Meringel a omerekolem

  • Beches el diak mungil mengarm me a lechub eng diak mungil melungel a bul a ngii de le ngerang

A rechad er a ukeruulem a mo mengedereder el kmo ke mekerang el osiik a ukeruul e melib el kmo ke mo melai er a test me a lechub eng diak.  A lsekum eng diak a rechad er a ukeruulem el bo er ngii, e mo dengua el mo ra 211 el nguu a list ra blil a ukeruul el kmeed er kau el sebechem el lou dengua el mo er tir e ma tekoi el kirel a test. A omkiei ra chelsel a Multnomah County, eng sebechem el lo dengua el mo ra Community Health Centers er kemam ra 503-988-5558. A insurance ma immingration a diak el loker el tekoi er kau e dirrek el diak el kotouar er a rechad el diak el sebecherir el harau. 

Ng dirrek el sebechem el mo omes el kmo ke ngar ngii a rektem el mo mengarm ra COVID-19 meng sebechem el mo melib a rolel a mosiik el mo chatter er a ukeruulem. Click ra “more languages” el ngar eou ra eungel a website el sebechem el ngiltii a tekoi ra beluam.   

Ngarker a basio el sebechek el morngii e melangch a rektek? | Where can I get tested?

Meleakl er kau er a rechad ra blim am secher

A lsekum eng ngar ngii a olengchem el smecher ra COVID-19, e ke meleakl er kau ra chelsel a blim er a rechad el kiei lobengkem el mo olengull el mo diak em secher er tiang el rakt. Ng sebechem el stob el meleakl er kau al dimerekmong eng mo merek a ikakid:

  • Kesengil a edei (3) el sils (24 el sikang) el diak el mekeald a bedengem e mla mo telkib el ungil el diak mo klukl me a lechub eng telkib el diak el kedeb a telim/sel (el mla stob el melai a kar er a kleald me a lechub eng kar ra klukl).

  • Kesengil a teruich (10) el sils a mla mo merek er se ra kot el mo muchel el smecher.

Immigrations ma Customs Enforcement (ICE)

Se er a March 18, e a ICE a mle mesubed er a buai el kmo te mo merrob ra urerir ra otutel a llach ra immigration e bai mo oltaut a urerir el kirel a melekau ra buai meng diak el bo er ngii a meringel el omengarm er a buai e oltaut a urerir el mo ra rechad el diak el kiril el nga er tiang el beluu el mla remuul a delengerenger ma tellemall el tekoi. Ma rechad a diak el bol medakt ra immigration se el bo lo osiik a ukeruul. 

Public Charge ma COVID-19

A federal kabelment a mle mesubed ra buai el kmo a rechad el sorir mo chad ra United States a diak el medakt el mo osiik a ukeruul el kirel a coronavirus (COVID-19), e leng diak el bo el omasech er tiang el rakt el kirir.

Soam el osiik a betok el subed, chais, ma tekoi el mo ra buai, mou dengua el mo ra 211 el sebechem el mengedecheduk ra chad el melekoi a tekoi er a beluam. Al soam el omiich el loker a tekoi el kirel a klungiolel a buai ma public charge, e mou dengua el mo ra Oregon Law Center/Legal Aid Services ra Oregon Public Benefits Hotline ra 1-800-520-5292.

Kaucheliu er a Rechad ra Ureor

A chad el nga er ngii a lodengei el mekngit el kirel a ureor me a lechub eng mekngit el kirel a cheisei ma mekngit el sebecherir a rechad el mo smecher er ngii, a sebecherir el lou dengua el mo ra OSHA (Oregon Safety and Health Administration) ra 800-922-2689 el mo ouchais er tir.

A lsekum eng urerem a ngar ngii a mekngit er ngii, eng sebechen el luchesii a kaker er kau el mo ra Oregon Occupational Health and Safety. Tiang el kaker a di ngar ngii el tekoi ra Merikel ma Sebangiol.

A Oregon Bureau of Labor and Industries a sebecherir el olengeseu ra rechad ra ureor el kirel a Sick Time er tir, Oregon Family Leave Act, ma bebil ra ngeseu.  A lsekum e kau a chad el oureor e ngar ngii kerim el soam loker eng sebechem el lou dengua el mo ra 971-673-0761 me a lechub e ke email el mo ra mailb@boli.state.or.us.

Ngar ngii a Kerim?

Mou dengua el mo ra 2-1-1, ra bekl sils, el 7 el sils ra bekl sandei, ra 8 a.m. el mo ra 11 p.m.│me a lechub e bo moldingel ra 211Info

Bebil ra chais ma subed

Ngarker a basio el sebechek el morngii e melangch a rektek? | Where Can I Get Tested? 

Ngera kemo mesang sel bol lolai a testing ertial secher era COVID-19 | What To Expect From Your COVID-19 Test?