अप्रिल 9, 2021 मा अद्यावधिक गरिएको

धेरै मानिसहरूले खोप नलगाउँदासम्म वा हामीसँग उपचार नहुँदासम्म हामीले COVID-19 सँगै जिउनुपर्नेछ । सम्भव भएसम्म घरमै बस्नु र आफूसँग नबस्ने मानिसहरूसँगको सम्पर्कलाई सीमित राख्नु अझै पनि तपाईं तथा समुदायलाई सुरक्षित राख्ने सर्वोतम तरिका हो । यसले आवश्यकता भएका मानिसहरूका लागि हाम्रा स्वास्थ्य सेवास्थलहरूलाई पनि खुला राख्छ ।

नियमहरू र दिशानिर्देश

ओरगन राज्यका स्वास्थ्य तथा संरचना दिशानिर्देशहरूले काउन्टीको जोखिमको स्तर अनुसार गतिविधिहरूलाई सीमति गराउँछन्। मल्टनोमाह काउन्टी ''उच्च जोखिम'' वर्गमा छ, त्यसैले कति मानिसहरू भेला हुन सक्छन् भन्ने कुरामा सीमाहरू लगाइएको छ र व्यवसायहरूका लागि नयाँ नियमहरू छन् ।  

कृपया सबैभन्दा पछिल्ला नियम तथा बन्देजहरूका लागि गभर्नरको वेबसाइटमा जानुहोस् ।

ओरेगनमा 5 वर्षा वा सोभन्दा बढी उमेरका सबैजनाका लागि फेस कभरिङ (अनुहार छोप्ने कपडा) हरू अनावर्य गरिएको छ।

तपाईं र तपाईंको परिवारको लागि स्याहार तथा सेवा

यदि तपाईंको चिकित्सक हुनुहुन्न भने 211 मा वा मल्टनोमाह काउन्टी प्राथमिक स्याहार स्वास्थ्य केन्द्रहरूलाई निम्न नम्बरमा फोन गर्नुहोस्: 503-988-5558 । दोभाषेहरू उपलब्ध हुन्छन् ।

मल्टनोमाह काउन्टी क्लिनिकमा

  • तपाईंको स्वास्थ्य बीमा हुनैपर्छ भन्ने हुँदैन ।
  • तपाईंको आय हुनैपर्छ भन्ने हुँदैन ।
  • तपाईंको आप्रवासी स्थिति जेसुकै भएतापनि तपाईंले स्वास्थ्य सेवा प्राप्त गर्न सक्नुहुन्छ ।
  • हामीले तपाईंका जानकारीलाई कानुन कार्यान्वयन गराउने वा अध्यागमन अधिकारीहरूसँग साझा गर्दैनौं ।

इमिग्रेशन एण्ड कस्टम्स इन्फोर्समेन्ट (अध्यागमन तथा भन्सार कार्यान्वयन) को अस्पताल, चिकित्सकको कार्यालय, स्वास्थ्य क्लिनिक र आकस्मिक वा अत्यावश्यक सेवास्थलहरू जस्ता स्वास्थ्य सेवास्थलहरूमा पक्राउ नगर्ने नीति रहेको छ । https://www.ice.gov/coronavirus

यदि तपाईंले COVID-19 का लागि चिकित्सा उपचार वा सेवाहरू प्राप्त गर्नुहुन्छ भने तपाईंले संयुक्त राज्य अमेरिकामा स्थायी निवासका लागि आवेदन दिँदा यसलाई तपाईंको विरूद्धमा गणना गरिनेछैन । पब्लिक चार्ज (सार्वजनिक जिम्मेवारी) का बारेमा थप पढ्नुहोस्

मैले COVID-19 को खोप कसरी लगाउन सक्छु ?

ओरेगनले विभिन्न चरणहरूमा सबैजनालाई खोप लगाउने गरी काम गरिरहेको यदि खोप लगाउनका लागि तपाईं योग्य हुनुहुन्छ भने ओरेगन हेल्थ अथोरिटीको वेबसाइटमा रहेको समयतालिका निर्धारण गर्ने टुल प्रयोग गर्नुहोस्

अहिले खोप लगाउन योग्य हुने सबैजनाका लागि पुग्ने पर्याप्त खोप उपलब्ध छैन तपाईं योग्य हुनुहुन्छ भने पनि खोप लगाउन लागि तपाईंले हप्तौं पनि कुर्नुपर्ने हुनसक्छ

यदि तपाईं चरण 1A समूहहरू मध्ये कुनै एक समूहमा हुनुहुन्छ तपाईंलाई भाषा वा प्रविधिसम्बन्धी अवरोधहरूको कारण OHA को वेबसाइटमार्फत अपोइन्टमेन्टको समय लिन मद्दत आवश्यक पर्छ भने तपाईंले मल्टनोमाह काउन्टीलाई निम्नमा सम्पर्क गर्न सक्नुहुन्छ: 503.988.8939 वा covidvaccineinfo@multco.us हामी तपाईंलाई अनलाइन फाराम भर्नमा मद्दत गर्न सक्छौंफोनकल इमेलको संख्या अति उच्च हामी OHA को वेबसाइटमा पहुँच बनाउनमा अवरोध भएका चरण 1A का मानिसहरूको फोन कलहरूलाई प्राथमिकता दिइरहेका छौं

खोपसम्बन्धी थप जानकारी

How the COVID Vaccines Protect You - Nepali (679.17 KB)

You Were Vaccinated for COVID-19. What Now? - Nepali (547.69 KB)

ओरेगनमा COVID-19 बारे जानकारी प्राप्त गर्ने उत्कृष्ट तरिका भनेको OHA COVID-19 खोप वेबसाइटमा हेर्नु हो

तपाईंले:

  • टेक्स्ट/SMS अपडेटहरू (अङ्ग्रेजी स्पेनी भाषा मात्र) प्राप्त गर्न ORCOVID लेखेर 898211 मा टेक्स्ट गर्न सक्नुहुन्छ
  • ORCOVID@211info.org मा इमेल गर्न सक्नुहुन्छ (सबै भाषाहरू)
  • राज्यको कल सेन्टरलाई 211 वा 1-866-698-6155 मा फोन गर्न सक्नुहुन्छ (TTY: 711 डायल गर्नुहोस् 1-866-698-6155 मा फोन गर्नुहोस्) । बिदाका दिनहरूमा सहित दैनिक बिहान 6 बजेदेखि साँझ 7 बजेसम्म खुला रहन्छ

कसले COVID-19 को परीक्षण गराउनुपर्छ ?

यदि तपाईंमा COVID-19 का लक्षणहरू देखिएका छन् वा तपाईं COVID-19 सङ्क्रमित व्यक्तिको निटक सम्पर्कमा हुनुहुन्थ्यो भने तपाईंले परीक्षण गराउनुपर्ने हुन्छ । निकट सम्पर्क भन्नाले दिनभरिमा 15 मिनेट वा सोभन्दा बढी समयसम्म मास्क लगाएर वा नलगाइकन उक्त व्यक्तिसँग छ फिटको दूरीभित्र रहनु हो ।

COVID-19 परीक्षण»

उत्सवहरूको समय तथा भेटघाटहरू

कुनै पनि भेटघाट जोखिमरहित छैन। थोरै मानिसहरूसँग कम समय बिताउनु सुरक्षित हुन्छ । थप सुरक्षित रूपमा बिदा तथा परम्पराहरू मनाउने तरिकाहरूका लागि यी उपायहरू (CDC) माथि विचार गर्नुहोस्»

तपाईंले COVID-19 लाग्ने वा यसलाई फैलाउने जोखिमलाई कम गर्न सक्नुहुन्छ:

  • यसमा थोरै मानिसहरू जम्मा हुनुहोस्
  • यसलाई थोरै समय मनाउनुहोस्
  • यसलाई घरभन्दा बाहिर मनाउनुहोस्
  • कम्तीमा पनि छ फिटको भौतिक दूरी कायम राख्नुहोस् र फेस कभरिङ (मास्क) लगाउनुहोस् ।

COVID-19 को फैलावलाई रोक्नुहोस्

दम, मधुमेह वा मुटु वा फोक्सोको रोग जस्ता रोग प्रतिरोधक क्षमता कमजोर गराउने स्वास्थ्य समस्याहरू भएका मानिसहरू COVID-19 बाट एकदमै बिरामी हुने उच्च जोखिममा हुन्छन् ।

COVID-19 रोग लगाउने भाइरस एक व्यक्तिबाट अर्को व्यक्तिमा सजिलैसँग सर्छ । बिरामी हुनबाट बच्नका लागि:

  • बारम्बार आफ्ना हातहरू धुनुहोस्
  • बाहिर निस्कँदा मास्क लगाउनुहोस्
  • आफ्नो अनुहारमा नछुनुहोस्
  • खोक्दा र हाच्छिउँ गर्दा छोप्नुहोस्
  • तपाईंसँग नबस्ने मानिसहरूबाट कम्तीमा पनि 6 फिट टाढा रहनुहोस्
  • भेटघाट कार्यक्रमहरूलाई सानो, छोटो र सम्भव भएसम्म घरभन्दा बाहिर राख्नुहोस् ।
  • धेरै छोइने सतहहरूलाई सफा गर्नुहोस् र जीवाणुरहित बनाउनुहोस्
  • यात्राहरूलाई सीमित राख्नुहोस् र घर नजिकै रहनुहोस्

यदि तपाईंले बिरामी भएको महसुस गरेमा

यदि तपाईंले बिरामी भएको महसुस गर्न सुरु गरेमा — विशेषगरी ज्वरो र खोकीसहित:

  • घरमै बस्नुहोस् र अरू मानिसहरूबाट टाढा रहनुहोस् ।
  • तपाईंले परीक्षण गराउन आवश्यक पर्छ वा पर्दैन भनेर बुझ्नका लागि आफ्नो चिकित्सकलाई वा क्लिनिकमा फोन गर्नुहोस् ।
  • तपाईंको चिकित्सक वा क्लिनिकले तपाईं फेरि अरू व्यक्तिहरूको वरिपरि जान सक्नुहुन्छ भनेर नभन्दासम्म घरमै बस्नुहोस् ।
  • तपाईंलाई सामान्यतया राम्रो महसुस गराउने कार्यहरू गर्नुहोस्: सुत्ने, आराम गर्ने, प्रशस्त मात्रामा तरल पदार्थहरू पिउने ।

COVID-19 का लागि कुनै निश्चित औषधि छैन ।

यदि तपाईं वा कुनै पनि उमेरको कोही व्यक्तिमा यी आकस्मिक चेतावनी सङ्केतहरू मध्ये कुनै पनि सङ्केत देखिरहेको छ भने तुरुन्तै आकस्मिक चिकित्सा सेवा खोज्नुहोस्:

  • सास फेर्नमा गाह्रो हुने
  • लगातार छाती दुख्ने वा च्यापेको महसुस हुने
  • नयाँ भ्रम पैदा हुने
  • जाग्न वा जागा रहन नसक्ने
  • ओठ वा अनुहार नीलो हुने
  • गम्भीर रूपमा पेट दुख्ने

911 वा आफ्नो स्थानीय आकस्मिक सेवास्थलमा फोन गर्नुहोस् ।  तपाईं वा मद्दत आवश्यक पर्ने व्यक्तिलाई COVID-19 भएको हुने सक्ने कुरा अपरेटरलाई भन्नुहोस् ।

स्रोत-साधनहरू

COVID-19 सामान्य तथ्यहरू) (Do Your Part flyer)

COVID-19( सूचना पत्र) (Community flyer)

CAWEM र COVID19

मल्टनोमाह काउन्टी मेन्टल हेल्थ कल सेन्टर (मल्टनोमाह काउन्टी मानसिक स्वास्थ्य कल सेन्टर) | 503-988-4888, टोल-फ्रि 800-716-9769 - नि:शुल्क 24/7 सहायता, दोभाषेहरू उपलब्ध रहन्छन् ।

कुनै प्रश्नहरू छन् ?

हप्ताको 7 दिन, बिहान 8 बजेदेखि रातिको 11 बजेसम्म 2-1-1 मा फोन गर्नुहोस् | वा 211Info मा जानुहोस् ।