woman wearing a cloth face covering shops for produce

Ekesiwin non August 5, 2020

Ika kopwe tou nukun ika no fetan, kopwe aea ekewe pwonupwonun awom me pwotumw ika kose tongeni onu feet seni ekoch aramas. Usun ika kopwe no non sitowa ika kopwe nom won sidewalk mei chomong aramas ie, ika won ekan sein mwuun.

Kopwe aea pwonupwonun awom me pwotumw pun epwe anisuk me tumwunun inisum me tumwunun inisin aramas unukumw.  

Poputa non June 24, tukutukun won mas epwe poputa apochokun nupwen fansoun nomw non ekewe imweimwen mwun mei suuk ngeni aramas non Multnomah County. Ei amwokut ese pwan awenewen ngeni semirit ir mi kukunutiw fan 5 ier, pwan ekewe aramas mei wor ar samwau wate ika mei wor terir an epwe apeti senir ar repwe aea ekewe tukutukun won mas.

Ekewe Pwonupwonun awesome me pwotumw ESAP siwinin ach atowawa kich seni ekoch aramas:

  • Nomwotiw non imw fansoun meinisin mi tufich ngonuk
  • Epwe onu feet nefinom me ekoch aramas nein chomong aramas.
  • Kosap atapa won messomw
  • Pwonu om mwor ika mwesi
  • Tonu me nimeti poumw
  • Ika en mei semwen, nomwotiw non imw me atowawok seni ekoch aramas om ke epeti senir semwen. 

Non angang

Chon angang, chon angangen contract me chon angang nge rese kamo non Oregon repwe fiti ennuk me aea pwonupwonun awer me pwotur non ar nenien angang.  Ew me ew potai ika business mei pwan tongeni ureni neur customers ika chon kamo repwe mesemes ar repwe tumunu neur chon angang seni semwen. 

An Oregon Ennuk ren Pwonupwonun won Mesach.

Ika mei wor om osukosuken ren an om na nenien angang me aean pwonupwonun maas iwe kopwe kokori ewe Oregon Safety and Health Administration (OSHA) won neur en nampa 800-922-2689.

Ifa usun aean pwonupwonun awei me pwotui

Nupwen kopwe aea mangaku ne pwonu awom me pwotumw kopwe: 

  • Tonu me nimeti poumw me mwan kopwe aeata ika mwirin omw ka pwiniti ika om atapa. 

  • Aea fofon ngeni seningom om kopwe pacheta me pwinitatiw. 

  • Pwonueno unusen awom me pwotumw

  • Amasaeochu ngeni nepekin messom..esap wor epwe pwangeno me ia.  

  • Fori an epwe chok fetaneoch om ngasangas

Ekoch pwonupwonun maas mi mangaku kich mei pwerik ren.  Kosap minatiw om kopwe atapa pwotum ika awomw. 

Kopwe sopwuni non sopw me konik mwirin iteitan kopwe wes me aea.

Epwe ifa usun foforun

Ika mei nuk me manun en mangaku, iwe epwe pwan maseoch won messomw me epetuk. Nge esap KON manun, pwun kosap kinamwe ren.  

Nupwen kopwe fin ika kut messeom kopwe kuta ekkei:

  • Mangaku mei nuk, pwan 100% cotton usun ekan chechin bed, katen, ika uuf ika seoch. 

  • Epwe ruu sasarin mangaku

  • Kopwe tongeni ngasangas nupwen om aea

  • Epwe wor fofon mi kumi an pwe mwoch.

  • Epwe wor minen won pwotun epwe tetenong pwun epwe nuk.  (en mi tongeni aea ekan clipin taropwe)

Ekoch pwonupwonun won maas mei wor fitu sasarin mangakuu.  En mi pwan tongeni aea ekewe filterun coffee ika kopwene sopwuni ka eti. Kosap aea ekewe pisekin HEPA filter usun ekan potoun vacuum pun mei tongeni afeiengaw.  

Kopwe kuta met epwe fich ngonuk.  En mi tongeni aea fofon ekena maas ngeni seningom? Ika ke mochen aea fofo epwe fofo ngeni chamwom?

Ika kopwe pwisin for om, kopwe aea pisekin a fen wor reom.  (chechin bed a minen nomw, uuf, scarf, taun mi cheokukun).  Ekoch pisekin, usun ekan ¼ “ kumi ika mangaku mi chachaak, mei tongeni epwe weires om kopwe kunekun non sitowa.

Ifa usun ai upwe pwisin for ai pwonupwonun won messei (CDC)

Pwonupwonun maas minen non pioing

  • Aramas meinisin resap aea ekewe pwonupwonun maas minen non piping ika ekewe N95 respirator.

  • Chon angangen piping ir mei need ekkei maas ar repwe angang me epwe apeti senir semwen.

  • Ekkei maas minen non pioing ese chiwen chomong iwe kich mei mochen sipwe ison ngeni ekkei chon angangen non pioing.  

Io esap mesemes ekkei pwonupwonun won maas

Sipwe chechemeni pun mei wor ekoch aramas rese tongeni aea ekkei pwonupwonun won maas seni ar semwen, ika ierir ika seni ar rese pwisin tongeni.  

Semirit ir mei kukun seni 2 ier resap aea ekkei pwonupwonun won maas, ika ekewe rese tawe ne pwisin pwiniti pwonupwonun won messer.

Koputen emon ren ier, fonuwer, nonomwur mei atai ennuk

Meinisin kich sipwe asufonu fengeni kich ika kich mei mesemes ika sise mesemes.

Koputen ika ninin emon ren ier, fonuwer, nonomwur ew fofor aramasei mei chon, ika aramasen ekoch fonu, ika aramas esap chon won ir mei efisi osukosuken iteitan raan.  Koputen aramas mei chon, ika chon ekoch fonu, ika aramas mei sokono enuwen inisir faniten ar aea pwonupwonun won messer mei fifis ikenai.  Nge ina mwo kich mei sinei pun ekkei pwonupwonun messach mei epeti seni kich semwen me tumunu manawach.  Ach we Multnomah county ese awora me etiw ekkei sokkun koput ika ninin ngeni ekoch aramas fan iten ia re feito seni ian, ika ir ion.  

Om kopwe fang

Multnomah county mei etiwa met ke mochen fang ren pwonupwonun won maas ika pwonupwonun won maas minen non pioing.