drawing of a woman in a houseIn Sifil Pac Ikacsla  tu ke Akkwuk ac Karinginyuk Fwal

Ke May len 7, Governor Brown el akkalemye akwuk nu ke reopening ku in sifil pac ikacsla Oregon State. Multnomah County el inge oasr ke phase 1 ke reopening se inge. Kutu akwuk ku srikasrak nu ke Phase 1, nu ke Reopening se inge, pa inge: 1) mwet u in ku in utyak ac muta ac mongo ke lom in mongo (restaurant) - tusruktu, in karingin in oasr lusen fit 6 inmasrlon kais sie u;  ak 2) mwet u in ku in orekmakin lom in kalkul, ku acn in naweyuk (barbershops/salons), ac lom in asrosr (gym); ac ak 3) mwet u in ku in tukeni, ku waclilil - tu in tiac pus liki mwet longoul limekosr (25) ke pacl se.

In kalem pac nu sin mwetu nukewa la finne kais sie kasru (services) inge mwutewack in ikakla, mwetu enenu in kalem pac kac la COVID-19 el srackna oasr in masrlosr. Kut srackna enenu in sensenkihn ne kena oasr ono koneyukyak in sang karingin. Kut mwetu enenu in oru ma kunasr in karingin sucu lasr, mwet kawuk lasr ac mwet na kewa su muta fototo nu yorosr. 

Mutacwack ke July len se met (July 1), akwuk nu ke face coverings (ku face mask) el akfasryeyuk. Mwet nukewa su utyak nu ke acn ma mwetu waclilil we (public spaces), enenu na in orekmakin face mask.  Ac mutacwack pac ke July len singucul limekosr (15) mwetu ac enenu pac in orekma kin face mask finne elos muta lukun umw u - fin elos ac kofla in karingin tu in oasr luhsen fit onkosr (6) inmasrlon mwet u. Akwuk se inge tiacna ma nu sin tulik su srik liki iac singucul luo (5) ac oacyacpac mwet su oasr mas ku kutena oiyac su ac punacng a tiac fwal elos in orekmakihn face covering.

Multnomah County el lihksreni na akkeya mwet u in akos masap inge. Tusruktu, mwetu in esam pac la kutena oiyac su pilacsru ku akkolukye oacna sie mwet su orekmakin face covering (face mask) ku pac in oralac elya na yok. Multnomah County el suk pac in akkwoye ac kasru pac ke donations ke face coverings in ku in sang kasru elos nu kewa su enenu.

Kutu pac me akkalemye ke face covering ac COVID-19

Ma in akkeye kom:

Virus se ma oracla COVID-19 el arulacna fihsrasr in fwasrelihk inmasrlon mwetu. Karingin kom in wo.

  • Karingin tu in srik pacl suc kom tukeni nu sin mwet su ma tiacna ma ke lom sum an

  • Srike in oasr luhsen fit 6 inmasrlom ac mwet saye in pacl u na kewa

  • Karingin in tiac fasrelik mas u ke kom oaru in oul poum ku aknasnasye poum ke pacl na kewa, ac kosracla ke pacl kom kohfkof

  • Karingin kom in tiac kal motom

  • Aknasnasye (disinfect) kais sie acn su mwetu oacna tuku nu kac, ku kal

  • Orekmakin face covering (face mask) ke pacl kom som nu in waclil u

  • Kom fin mas, kom mutana in lom sum an, ac karingin pac tu mwet u in tiac pac weack  mas.

Arulacna fihsrasr kom in weack mas se inge (COVID-19) kom fin sie mwet su misen heart, ku asthma (mal), ku misen suka (diabetic), ku sra fulact (high blood pressure). Suk kasru ke pacl na sa.

decorative imageKom fin pulakin mas

Kom fin pulakin mas – kom fin pula fol (fever) ku kohfkohf – kom mutana lom sum an ac oruna ma kom muta oru in akkeye kom lac: monglac, mutulac, ac nim kof in yok. Ne ingena, srackna wangin ono nu ke COVID-19.

Kutu ma kom a puhla kom fin weack COVID-19 pa inge:

  • Kohfkohf

  • Mal

  • Fol

  • Muhsruhsr

  • Ngal

  • Insufngal

  • Ngal kapin srolyom

  • Kom fin tiac ku in emah ku ngok ma u

Pangon lom ono a, tu kom in ku in eis kasru in sulela la kom ac enenu in som test ku tiac. Fin wacngin lom ono kom muta fasr nu kac, kom ku pac in pangon 211 in ku pac in eisla kasru ke kais sie acn ma kom ac ku in eis test lom we. Kom fin mutah ke Multnomah County, kom ku in pangon Community Health Center ke 503-988-5558. Kom tiac na enenu insurance ku pepu in immigration lom kom in eis test se inge. Kom ac srackna ku in eis test u kom finne tiac ku in moli.

Kom ku pac in eis kasru lom in oracla sulacla lom in suk kasru ku tiac ke check your risk for COVID-19

home isolationMutana in Lom sum an (Home Isolation)

Kom fin pulakin kais sie symptoms ke COVID-19, kom ac enenu in sriyuklac liki mwet su wi kom muta. Kom ac enenu in sriyuklac ke sie room in loom sum an, ac muta na kac, ne kena:

  • Lusen len tolu (3 days) ku, ao 24 – tukin kom pula mu srikeni ku wacnginlac mas ma kom pula a (ke kom tiacna orekmakin ono)

  • Ke lusen len singucul (10 days) – tukin kom pula mas

Immigration and Customs Enforcement (ICE)

Ke March len 18, ICE el akkalemye pac ke lalos in tilohkinyac, ke kitin pacl, orekma lalos in ku pac in wi kasru ke ip lun public safety in ku pac in akfusrahsrye nu sin mwetu in tiac sangeng in suk kasru ke kais sie nien kasru inge.

Public Charge and COVID-19

Government Lulap lun US (Federal Government) akkalemye pac ke lalos nu sin mwetu in tiac sangen in suk kasru ke kais sie acn inge. Kain in kasru inge ac tiac orkmakinyuk in sang lain mwet suc ma suk in oracla permanent residency fin acn US (United States).

Fin oasr pac enenu saye nu ke kais sie me akkalemye inge kom ku pac in pangon 211 in srasram nu sin sie mwet ma ac ku pac in srasram nu sum ke kas lom an. Ke kutena kisen siyuk ke public benefits ku public charge, kom ku pac in pangon Oregon Law Center/Legal Aid Services of Oregon Public Benefits Hotline ke 1-800-520-5292.

Nu Sin Mwet Orekma

Kom fin liye kais sie oiyac, ku luma, ku oracla ma ac sensenkinyuk nu ke safety nu sin mwetu, kom ku pac in oracla report lom an nu sin OHSA (Oregon Safety and Health Administration) ke 800-922-2689.

Fin oasr pac elya, ku me sensenkinyuk ma kom liye pac ke acn in orekma lom an, kom ku pac in file complaint nu sin Oregon Occupational Health and Safety. Form inge oasr ke kewa na kas English ac kas Spanish.

Oregon Bureau of Labor and Industries ku pac in kasru mwet orekma nu ke kais sie program inge. Program inge pa - Sick Time, the Oregon Family Leave Act, ac kutu pac kasru puspus elos ku in oru nu sum. Kom fin sie mwet orekma, ac oasr kisen siyuk lom ke ma inge, kom ku pac in pangon 971-673-0761 ku email pac nu ke mail@boli.state.or.us.

Kutu Pac Me Akkalemye

Kisen Siyuk pac saye?

Pangon 2-1-1,  ikack len na kewa ke ao 8 ke litutacng nu ke ao 11 ke fong / ku, kom som nu ke 211Info