woman at desk with headset making a callMay 23, 2020

Uruwon io ke churi ika atapa ew fofor ewe public health e fori an epwe akauno cheunon semwen. Penuwen an chon angangen public health kapas ais nupwen repwe koko epwe anisi ne ekeuno cheun ewe semwen COVID-19.

Ifa usun angangen ei metoch Uruwon io ke churi ika atapa

Ika emon a positive an testin COVID-19 iwe a report ngeni ewe departmenun health. Me ikena, aiwa kokori ewe aramas ir mei positive ar test pwun aipwe sinei ifa usur, io re nonom unukun ika kanengeni, iwe ia e urir me ian ewe semwen. 

Io epwe kori ei?

Chochon ach kewe team:

  • Repwe pwarano pwun ir chon angangen ewe Multnomah County Health Department
  • Ina repwe kapas ngonuk non kapasen fonuwom, ika awora emon neum chon chiaku
  • Repwe kor sefanuk ika kose tawe kapas ngenir non ena fansoun

Epwe wor ekis memes reom nupwen repwe koko chochon am kei team.  Ese wor ngawan om kopwe mefi eoch sokkun memes ar koruk.  Aipwe awewe ngonuk om kopwe weweiti met wewen pungun om kewe test.  Sipwe anisuk ne kuta om kopwe safei me ia fengen me sipwe tumunu ekewe aramas re nom unukum.  Meinisin porous kopwe ngeni kich mei mwonomwon me tumwun seni an ekoch repwe sinei. 

Met sokkun kapas eis ekena chon angei porous repwe eis?

  • Sipwe eisinuk ia ke no ia me io ke kanengeni non ekewe week sii keran tou seni.
  • Sipwe eis ifa usun nonomwun inisum me om semwen, nonomwum non imwom me om angang. 
  • Sipwe eisinuk ika mi wor reom met ke need om kopwe kinamwe me chikar seni om semwen. Am mei tongeni anisuk ne fori kokotum om kopwe nomwonong non imw pun kopwe tumwun.

Sisap eisinuk nampan neum social security ika nampan neum credit card. Sisap eisinuk met nonomwumw ren pekin immigration. Sisap wauu tichikin porousom ngeni ei mwun Merika. Sisap tongeni wauu nukun porousom ngeni police ika ICE (Immigration and Customs Enforcement).

Met oupwe for ngeni met uwa penuwen ngeni ekena kapas eis? 

Ekena porous kopwe ngeni kem epwe anisi ach sipwe eukatiw cheunon semwen. 

Sipwe aea ne kuta me kori ekena aramas mei tongeni urir ena semwen COVID-19. Aipwe isoni porousom esap wor chon sinei. Aisap ureni aramas ke kanengenir ika mei tongeni urur pwun mi uruk ena semwen nukun chok ika en mei mutata. Napengeni mei auchea aipwe esine ngeni ekewe neni en mi nom non otun an uruk ena semwen, ren om nenien angang. Sipwe aninis fengen ach sipwe atoura ngenir non mwonomwon me kinamwe. 

Met oupwe ureni ekewe ngang mei kanengenir repwe fori?

Sipwe tingor ngeni ekewe ir mei kanengeni io mi uri ewe semwen COVID-19 pun repwe nomonong non imw, towaw seni aramas, non ukukun ruu week seni ewe saingonon raan re kanengeni io mi uri ewe semwen. 

  • Sipwe anisi aramas ren kokotun no kamo ener mongo ika met pwan sokun aninis epwe anisir ar repwe chok nomwotiw non imw. 
  • Sipwe tingor ngeni ekewe aramas repwe nomwotiw non imw, nge sisap chok pwan reportei ika ngenir pakingin ika rese nomwonong non imw.
  • Ar repwe nomwonong non imw amen auchea unusen ena fansoun pwun mei tongeni cheufetan ei semwen COVID-19 pwun rese mwo sinei nge a urir. 
  • Sipwe nochei an epwe wor kokotun no ngeni pioing ren safei ren aramas ika ra mefi esisinen ei semwen. 

Kose mochen penuweni am koko. Kich mei need om aninis ne aukatiw ei semwen COVID-19.

Ren pwan ekoch porous

Met ei Uruwon io ke churi ika atapa?(Video seni an Oregon ewe Kinikinin Public Health)