Macluumaadka Xiriirada: Tim Scott ama Edward Gutiérrez, 503-988-VOTE (8683); Denis Theirault, pressoffice@multco.us
Taariikhda kama dambaysta ah ee diiwaangelinta codbixiyaha iyo doorashada xisbigu waa Talaadada, Abriil 30, 2024
Taariikhda kama dambaysta ah ee diiwaangelinta codbixiyaha ee Maajo 21, 2024 ee Doorashada Musharaxiinta Xisbiyada, iyo sidoo kale wakhtiga kama dambaysta ah ee doorashada xisbigu, waa Talaadada, Abriil 30, 2024.
Dadka Oregon ee aan u diiwaangashanayn codaynta, ee haysta liisanka darawalnimo ee Oregon oo ansax ah, oggolaansha wadista ama ID waxa ay ka dhamaysan karaan diiwaangalintooda codbixinta interneeka ayagoo booqanaya OregonVotes .gov/Register. Haddii aadan haysan liisanka darawalnimo ee Oregon oo ansax ah, ogolaansho ama ID, ama haddii uu kaa dhacay, waxaad u baahan doontaa inaad buuxiso warqadda Kaarka Diiwaangelinta Codbixiyaha ee Oregon. Kaararkan waxa laga heli karaa Xafiiska Boostada Mareykanka, goobaha Laybareeriyada Degmada Multnomah iyo Dhismaha Doorashooyinka Duniway-Lovejoy ee Degmada Multnomah.
Haddii aad hore ugu diiwaan gashanayd inaad codayso, hadda waa wakhti fiican oo ay tahay inaad hubiso in cinwaankaaga iyo magacaagu ay ku jiraan diiwaanka diiwaangelinta codbixiyaha ayna saxsanyihiin. Codbixiyeyaashu waxa ay cusboonaysiin karaan maclumaadkooda si onlayn ah ayagoo booqanaya oregonvotes.gov/myvote ama adeegsanaya Kaarka Diiwaangalinta Codbixiyaha ee Oregon.
Abriil 30, 2024 ayaa sidoo kale ah wakhtiga kama dambaysta ah ee doorashada xisbiga. Codbixiyeyaasha raba in codeeyaan musharaxiinta xisbiyada Dimoquraadiga ama Jamhuuriga doorashada xidhan ee bisha Maajo waa in ay u diiwaangashanyihiin xubin xisbiga ah ka hor wakhtiga kama dambaysta ah. Codbixiyaasha aan ka tirsanayn xisbi, ama ka tirsan xisbi yar, ayaa heli doona warqadda codbixinta aan xisbi ahayn, oo ay ku jiraan gobollada, xafiisyada maxaliga ah iyo hindisayaasha aan xisbiga ahayn.
Hubi inaad xaqiijiso in diiwaanka codbixiyeyaasha uu ku jiro ciwaanka deegankaaga iyo ciwaanka boostadaada ee hadda, sidoo kale.
Iska diiwaangali Track Your Ballot (Lasoco Warqadaada Codaynta)
Adeegayaga caanka ah ee Track Your Ballot (Lasoco Warqadaada Codaynta) waxaa hadda lagu heli karaa luuqado badan! Waxaad dooran kartaa inaad ku hesho ogeysiisyada codbixinta iyo wararka luuqaddahan Ingiriis, Isbaanish, Ruush, Soomaali, Fiyatnaamiis, Yukreeniyaan, ama Shiinaha. Waxaa aad heli doontaa fariin wargalineed oo qoraal, iimayl ama cod ah marka xafiiska doorashooyinka Degmada ay boosta kugu soo diraan warqaddaada codbixinta, iyo markii ay helaan warqadda codbixinta ee aad ku celisay. Wargalintan ayaa sidoo kale tilmaamaysa haddii warqadda codbixinta loo aqbalay tirinta ama haddii codbixiye ahaan lagaaga baahanyahay talaabo dheeraad ah.
Codeeyayaashu waxa ay gudaha fariinta "Accepted Ballot"(Codaynta La Aqbalay) ka heli doonaan istiikarada khaaska ah ee Oregon oo ay ku qorantay "I Voted" (Waan Codeeyay) ku waas oo diyaar u ah in baraha bulshada lagu wadaago. Codbixiyeyaasha degmada Multnomah waxa ay ka furan karaan ayagoo booqanaya multnomah.ballot trax.net.
Macluumaadka warqadda codbixinta maqan
Codbixiyaasha ka maqanaan doona guryahooda malinta doorashada misa maalmaha u dhaw waxay codsan karaa warqadda codbixinta maqan in loogu soo diro boostada ciwaankooda kumeelgaarka. Si aad u hesho warqada codbixinta maqan waa inaad dhamaystirtaa Codsiga Arjiga Warqadda codbixinta maqan. Waxaad ka heli kartaa arjiga iyo warbixin badan oo ku saabsan diiwaangelinta maqaneha si onlayn ah multco.us/absentee. Sidoo kale waxa aad kala xidhiidhi kartaa Xafiiska Doorashooyinka elections@multco.us ama 503-988-VOTE (8683) ee wixii caawimo dheeraad ah.
Xarunta Codbixinta Degdeg ee Gresham waxay furmaysaa Abriil 25
Laga bilaabo Khamiista, Abriil 25, 2024, Xarunta Codbixinta Degdeg gudaha Dhismaha Bariga Degmada Multnomah ee ku yaal 600 N.E. 8th St. in Gresham waxay furmi doontaa ilaa Maajo 21, 2024, Doorashada Hoose. Xarunta Codbixinta Degdeg ah waxay ku talaa agagaarka Xarunt Dhexe ee Gaadiidka ee Gresham waxayna bixisaa bakin bilaash ah, sidoo kale.
Xarunta Codbixinta Degdeg ah waxay kor u qaadaysaa helitaanka ilaha codbixinta ee in ka badan 165,000 oo ah Codbixiyaasha Degmada Multnomah. Xarunta Codbixinta Degdeg ah ee bartamaha Gresham, codeeyayaashu waxay ka badalan karaan waraaqaha codaynta ee lumay ama waxyeeloobay, ama waxay ka cusboonaysiin karaan macluumaadkooda codeynta. Codeeyayaasha curyaamada ah waxay heli karaan kaalmo. Codeeyayaasha ku hadla luuqad aan Ingiriisi ahayn waxay kaalmo ku heli karaan luuqada ay doorbidaan. Shaqaalaha doorashooyinka maxaliga ah waxay diyaar u yihiin inay ka jawaabaan su'aalaha ayna baxshaan wixii caawimaad ah oo la xariira doorashada. Xarunta Codbixinta Degdeg ah waxay furan tahay Khamiista, Abriil 25, 2024, illaa Maalinta Doorashada Talaadada, Maajo 21, 2024
Xafiiska Doorashooyinka Degmada Multnomah, oo ku yaala gudaha Dhismaha Doorashada Duniway-Lovejoy ee ku taal 1040 S.E. Morrison St. in Portland, ayaa sidoo kale u firan shacabka wixii adeegyada cod bixinta ah.
Saacadaha caadiga ah ee shaqada Xarunta Codbixinta Degdeg ah iyo Xafiiska Doorashooyinka ayaa ah 8 subaxnimo ilaa 5 galabnimo Isniinta ilaa Jimcada. Ka hor doorashada hordhaca ah ee Maajo, Xarunta Codbixinta Degdeg ah iyo Xafiiska Doorashooyinka Degmada Multnomah waxay bixin doontaa saacado dheeraad ah:
- Sabti, Maajo 18, 10 subaxnimo-2 galabnimo
- Isniin, Maajo 20, 8 subaxnimo-7 galabnimo
- Maalinta Doorashada, Talaadada, Maajo 21, 7 subaxnimo - 8 galabnimo
Xarunta Codbixinta Degdeg ah keliya waxay aqbashaa waraqaha cod bixinta saacada ay furan tahay keliya. Goobta ugu dhow ee 24-ta sacadood ee rasmiga ah ee lagu rido warqada cod bixinta degdega ah ayaa ku taal goobta babuurta ladhigo ee Gresham Library ee 385 N.W. milter Ave. si aad u hesho goobaha kale ee rasmiga ah ee Degmada Multnomah, booqo multco.us/dropsites.
Sidoo kale waraaqdaada codbixinta ku diri kartaa boostada lacag la'aanta ah. Waraaqaha cod bixinta waxa kale oo la geyn karaa xafiiska Doorashooyinka Degmada Multnomah, Xarunta Codbixinta Degdeg ama Goob kasta oo Rasmi ah oo Oregon ah marka la gaadho 8 p.m. Habeenka doorashada, Maajo 21, 2024.
Laanta Doorashooyinka Degmada Multnomah ayaa siin karta turjubaan, lacag la'aan ah qof kasta oo u baahan in laga caawiyo inuu ku codeyeo luuqad aan Ingiriisiga ahayn. Codaynta dheeraadka ah iyo macluumaadka Doorashooyinka oo ku qoran 18 luuqadood ayaa oonleen ahaan looga heli karaa multco.us/education-and-outreach.
Tirinta ilaa Maajo 21, 2024, Maalinta Doorashada:
- Buug-yaraha Codbixiyaha ayaa loo diri doonaa dhammaan qoysaska deggaanka ah: Arbaco - Khamiis, Abriil 24-25, 2024
- Xarunta Codbixinta Degdeg ah ee Gresham waxa ay furmaysaa: Khamiis, Abriil 25, 2024
- Taariikhda kama dambaysta ah ee diiwaangelinta codbixiyaha iyo doorashada xisbiga: Talaadada, Abriil 30, 2024
- Ku diridda boostada warqadaha codbixinta ayaa bilaabmi doonta: Arbacada, Maajo 1, 2024
- Dhamaan codbixiyeyaashu waa inay helaan warqaddahooda codbixinta: Khamiista, Maajo 9, 2024
- Maalinta Doorashada: Talaadada, Maajo 21, 2024
- Natiijooyinka doorashada kama dambaysta ah waxaa la cadaynayaa: Isniinta, Juun 17, 2024
Xafiiska Guud:
Dhismaha Doorashooyinka Duniway-Lovejoy ee Degmada Multnomah
1040 S.E. Morrison St., Portland, AMA 97214
Goobta Gresham:
Waxay furan tahay Abriil 25 - Maajo 21, 2024
Xarunta Codbixinta Degdeg ah ee Dhismaha Bari ee Degmada Multnomah
600 N.E. 8th St., Gresham, AMA 97030
Taleefan: 503-988-VOTE (8683)
Iimayl: elections@multco.us
Wabseedka: multnomahvotes.gov
###