ລະບົບເຕືອນໄພສາທາລະນະ (PublicAlerts) ແມ່ນລະບົບການເຕືອນປະຊາຊົນໃນເວລາທີ່ພວກເຂົາເຈົ້າຈໍາເປັນຕ້ອງໄດ້ໄປຢູ່ບ່ອນມີຄວາມປອດໄພ, ເຊັ່ນ: ຢູ່ໃນບ້ານ, ການຕົ້ມນ້ຳກີນ, ຫຼື ຍ້າຍອອກ. ມັນຈະສົ່ງສຽງ, ຂໍ້ຄວາມ ແລະ ອີເມວໃຫ້ປະຊາຊົນໃນຄາວຕຕີ້ມັລໂນມາ (Multnomah). ຄາວຕີ້ອື່ນໆກໍ່ມີລະະບົບທີ່ຄ້າຍຄືກັນ, ແຕຄາວຕີ້ມັລໂນມາເທົ່ານັ້ນທີ່ໃຫ້ການແຈ້ງເຕືອນເປັນ 10 ພາສາ. ພາສາດັ່ງກ່າວມີ: ພາສາອັງກິດ, ອາຣັບ, ຈີນ, ຍີ່ປຸ່ນ, ລາວ, ໂຣມານີ, ລັດເຊຍ, ໂຊມາລີ, ສະເປນ, ອູແກຣນ ຫຼື ຫວຽດນາມ. ເຖິງແນວໃດກໍ່ຕາມ, ປະຈຸບັນນີ້ແບບຟອມການລົງທະບຽນແມ່ນຍັງມີແຕ່ເປັນພາສາອັງກິດເທົ່ານັ້ນ. ເພື່ອໃຫ້ໄດ້ຮັບ PublicAlerts ໃຫ້ປະຕິບັດຕາມຂ້ອຍຄື:
ໄປທີ່ www.publicalerts.org. ນັ້ນແມ່ນ P-U-B-L-I-C-A-L-E-R-T-S-ຈ້ຳ-ORG. ເລື່ອນລົງຈົນທ່ານເຫັນປຸ່ມ “ລົງທະບຽນ” (“Sign up”) ແລ້ວກົດໃສ່ບ່ອນນີ້.
ພວກເຮົາຈະສະແດງວິທີການລົງທະບຽນໃຫ້ທ່ານ ຖ້າທ່ານອາໃສຢູ່ ຫຼື ເຮັດວຽກຢູ່ໃນ Portland, Gresham, Woodvillage, Troutdale, Fairview, Corbett, ເກາະ Sauvi, ຫຼື ບ່ອນໃດໜຶ່ງໃນຄາວຕີ້ມັລໂນມາ.
ໃນນັ້ນກົດລິ້ງເຊື່ອມຕໍ່ກ່ອນ.
ໜ້າຈໍນີ້ ແລະ ແລະ ໜ້າຈໍລຸ່ມນີ້ຈະໃຫ້ທ່ານ ເລືອກພາສາ ຈາກການເລືອກລາຍການພາສາເລື່ອນລົງຢູ່ດ້ານເທິງເບື້ອງຂວາຂອງໜ້າຈໍ. ພວກເຮົາຮູ້ວ່າການແປພາສາແບບອັດຕະໂນມັດອາດຈະບໍ່ດີປານໃດ. ແຕ່ເປັນສິ່ງທີ່ດີທີ່ພວກເຮົາມີໃນປະຈຸບັນ.
ຈາກໜ້ານີ້ໃຫ້ກົດລິ້ງສີຟ້າ “ລົງທະບຽນທີ່ນີ້”
ຂ້ອຍຈະສ້າງ ຊື່ຜູ້ໃຊ້. ຢ່າງໜ້ອຍມັນຕ້ອງມີຄວາມຍາວ 4 ຕົວອັກສອນ. ຂ້ອຍກຳລັງຈະສ້າງ __________ ຂອງຂ້ອຍ
ສັງເກດເບິ່ງໝາຍດອກຈັນສີແດງ (red asterisk) ຢູ່ຕໍ່ໜ້າບ່ອນຫວ່າງ. ນັ້ນໝາຍຄວາມວ່າຂ້ອຍຕ້ອງຕື່ມໃສ່ບັນດາບ່ອນຫວ່າງກ່ອນທີ່ຂ້ອຍຈະສາມາດສືບຕໍ່ໄດ້.
ຂ້ອຍຂຽນຊື່ຂອງຂ້ອຍໃສ່ທີ່ນີ້.
ແລະ ນາມສະກຸນຂອງຂ້ອຍ.
ຈາກນັ້ນຂ້ອຍຕ້ອງມີລະຫັດຜ່ານ. ມັນຕ້ອງມີຄວາມຍາວຢ່າງນ້ອຍ 8 ຕົວ ເຊິ່ງຢ່າງນ້ອຍຕ້ອງມີຕົວໜັງສືໜຶ່ງຕົວ ແລະ ຕົວເລກໜຶ່ງຕົວ. ຈາກນັ້ນຂ້ອຍກໍ່ໃສ່ລະຫັດຜ່ານເຂົ້າໄປອີກຄັ້ງ.
ຕໍ່ຈາກນັ້ນຂ້ອຍຈະເລືອກເອົາຄຳຖາມລັບໜຶ່ງຄຳຖາມເພື່ອຕອບ: ຊື່ກາງຂອງແມ່ເຖົ້າຂອງທ່ານແມ່ນຫຍັງ, ເມືອງທີ່ພໍ່ ແລະ ແມ່ຂອງທ່ານພົບກັນແມ່ນຫຍັງ, ຊື່ຂອງໝູ່ສະໜິດຂອງທ່ານຊື່ຫຍັງ, ທ່ານພົບຄູ່ສົມລົດຂອງທ່ານທີ່ເມືອງໃດ, ທ່ານໄດ້ວຽກທຳອິດຢູ່ໃສ, ທ່ານຮຽນຫ້ອງທີ່ຫົກຢູ່ໂຮງຮຽນໃດ, ເພື່ອນບ້ານຂອງທ່ານມີຊື່ຫຼີ້ນວ່າແນວໃດ? ຊື່ຖະໜົນເມື່ອທ່ານຮຽນຊັ້ນປະຖົມປີທີ່ສາມ, ຊື່ສັດລ້ຽງທີ່ທ່ານມັກທີ່ສຸດແມ່ນຫຍັງ, ຊື່ອາຈານທີ່ທ່ານມັກທີ່ສຸດແມ່ນຫຍັງ, ທ່ານເກີດຢູ່ເມືອງໃດ.
ເມື່ອທ່ານເລືອກຄຳຖາມຂອງທ່ານແລ້ວ, ໃຫ້ທ່ານຂຽນຄຳຕອບໃສ່ທີ່ນີ້. ຮັບປະກັນວ່າມັນຕ້ອງເປັນສິ່ງທີ່ທ່ານສາມາດຈື່ໄດ້. ສຸດທ້າຍ, ທ່ານຈຳເປັນຕ້ອງມີທີ່ຢູ່ອີເມວ. ຖ້າທ່ານຍັງບໍ່ມີ, ທ່ານສາມາດຖາມຄົນໃນຄອບຄົວ ເພື່ອໃຊ້ຂອງເຂົາເຈົ້າໄດ້.
ເມື່ອທ່ານເຮັດໜ້ານີ້ສຳເລັດ, ໝາຍຕິກໃສ່ຫ້ອງ, “ຍອມຮັບເງື່ອນໄຂການບໍລິການ” ແລະ ຄລິກໃສ່ “ສ້າງບັນຊີຂອງທ່ານ.”
ຢູ່ໃນໜ້າຈໍນີ້, ທ່ານຈະບອກພວກເຮົາວ່າທ່ານຕ້ອງການໄດ້ຮັບການແຈ້ງເຕືອນແນວໃດ. ພາຍໃຕ້ “ນີ້ແມ່ນວິທີການຕິດຕໍ່ຂ້ອຍ” (“Here’s how to contact me”) ທ່ານອາດຈະເພີ່ມເບີໂທລະສັບມືຖືເຂົ້າໄປ ເພື່ອຮັບຂໍ້ຄວາມແຈ້ງເຕືອນ. ທ່ານສາມາດເພີ່ມເບີໂທລະສັບມືຖືເຂົ້າໄປ ເພື່ອຮັບການແຈ້ງເຕືອນດ້ວຍຂໍ້ຄວາມສຽງ, ຫຼື ເບີໂທລະສັບຕັ້ງໂຕະ”.
ຈາກນັ້ນ “ບັນທຶກ ແລະ ສືບຕໍ່.”
ຢູ່ທີ່ນີ້ທ່ານຕັດສິນໃຈເລືອກບ່ອນ ຫຼື ບັນດາບ່ອນທີ່ທ່ານຕ້ອງການຮັບການແຈ້ງເຕືອນ. ທ່ານສາມາດເພີ່ມເບີໂທລະສັບບ້ານຂອງທ່ານ, ທີ່ຢູ່ໂຮງຮຽນຂອງລູກ, ທີ່ຢູ່ບ່ອນເຮັດວຽດຂອງທ່ານໃສ່ໄດ້. ຂ້ອຍຈະເພີ່ມວຽກຂອງຂ້ອຍໃສ່. ມັນຈະຢືນຢັນທີ່ຢູ່ຂອງທ່ານ. ແມ່ນແລ້ວ, ຖືກຕ້ອງ. ເມື່ອທ່ານເພີ່ມໃສ່ທຸກບ່ອນທີ່ທ່ານຕ້ອງການແລ້ວ, ຄລິກ “ບັນທຶກ ແລະ ສືບຕໍ່.”
ດຽວນີ້ມາເລືອກພາສາທີ່ທ່ານຕ້ອງການໄດ້ຮັບການແຈ້ງເຕືອນ. ຂ້ອຍຕ້ອງການໃຫ້ແຈ້ງເຕືອນຂ້ອຍເປັນພາສາອັງກິດ.
ທ່ານກໍ່ຍັງສາມາດເລືອກບອກພວກເຮົາໄດ້ ຖ້າທ່ານເປັນຄົນເສຍອົງຄະ ຫຼື ມີຄວາມຕ້ອງການທາງການແພດ. ທ່ານ: ນອນເຈັບປ່ວຍ, ຫູໜວກ ຫຼື ບໍ່ໄດ້ຍີນດີແມ່ນບໍ? ທ່ານມີການສື່ສານຍາກ, ຫຼື ຈື່ຍາກແມ່ນບໍ? ທ່ານຕ້ອງອາໄສອຸປະກອນໄຟຟ້າແມ່ນບໍ ທ່ານ: ໃຊ້ໄມ້ຄ້ຳ ຫຼື ເຄື່ອງຊ່ວຍຍ່າງ, ຫຼື ລໍ້ນັ່ງ, ມີຄວາມພິການທາງດ້ານພັດທະນາການ, ປະສົບບັນຫາທາງສຸຂະພາບຈິດ, ໃຊ້ອົກຊີບໍ? ທ່ານມີບັນຫາການສື່ສານທາງການປາກເວົ້າບໍ ຫຼື ມີບັນຫາທາງສາຍຕາບໍ?
ການແລກປ່ຽນຂໍ້ມູນຂອງທ່ານແມ່ນໃຫ້ດ້ວຍຄວາມສະໝັກໃຈ ແລະ ບໍ່ຮັບປະກັນວ່າຈະມີການຊ່ວຍເຫຼືອ, ແຕ່ມັນສາມາດຊ່ວຍຜູ້ທີ່ຈະໃຫ້ການຊ່ວຍເຫຼືອຮູ້ສິ່ງທີ່ທ່ານຕ້ອງການໃນກໍລະນີເກີດເຫດສຸກເສີນ.
ທ່ານອາດຈະໃຫ້ລາຍຊື່ຕິດຕໍ່ ແລະ ເບີໂທລະສັບສຸກເສີນແກ່ຄົນທີ່ທ່ານເຊື່ອໝັ້ນ, ບາງທີເປັນສະມາຊິກໃນຄອບຄົວ ຫຼື ຫມູ່ເພື່ອນໃກ້ຊິດ, ທີ່ອາດຈະສາມາດຊ່ວຍທ່ານໄດ້ໃນລະຫວ່າງທີ່ມີເຫດການສຸກເສີນ. ນອກນັ້ນທ່ານຍັງອາດຈະເພີ່ມ ວັນເດືອນປີເກີດຂອງທ່ານໃສ່, ຖ້າທ່ານເລືອກ.
ຂ້າພະເຈົ້າຈະປະຫວ່າງໄວ້ໃຫ້ດຽວນີ້.
ສຸດທ້າຍນີ້, ທົບທວນຂໍ້ມູນຄືນ ເພື່ອຮັບປະກັນວ່າທຸກຢ່າງຖືກຕ້ອງ. ຖ້າທ່ານຕ້ອງການແກ້ໄຂ, ຄລິກໃສ່ ປຸ່ມ “ແກ້ໄຂ”. ແລ້ວລິກໃສ່ “ສຳເລັດ.”
ໝົດເທົ່ານີ້! ຂອບໃຈທີ່ລົງທະບຽນການແຈ້ງເຕືອນສາທາລະນະ (Public Alerts)!