La xidhiidh: Tim Scott ama Edward Gutiérrez, 503-988-VOTE (8683)
Abriil 9, 2024: Degmada ayaa diyaar u ah in ay caawiso codbixiyayaasha naafada ah kuna caawiso luuqad ay fahmi karaan; Wakhtiga kama dambaysta ah ee isdiiwaangalinta iyo xulashada xisbigu waa Abriil 30
Faafintan waxaa lagu daalacan karaa luuqaddaha Ingiriis, Isbaanish, Shiineys, Fiyatnaamiis, Ruush, Yukreeniyaan iyo Soomaali.
Qaybta Doorashooyinka Degmada Multnomah waxay kaa caawin kartaa inaad samayso qorshe aad ku CODEYSO bisha Maajo!
Doorashada soo socota ee Degmada Multnomah waa Doorashada Musharaxiinta Xisbiyada ee Maajo 21, 2024. Doorashadani waxa ay ka koobantahay tartamada musharaxiinta ee Guddiga Guddoomiyeyaasha Degmada Multnomah, Golaha metro, iyo musharaxiinta jagooyinka federaalka, gobolka ama garsoorka, iyo sidoo kale hindiseyaasha codaynta. Xasuusin: Tartanka musharaxiinta ee xafiisyada la doorto ee Magaalada Portland kama soo muuqan doonaan warqadda codbixinta ee Maajo 2024. Tartamadani waxa ay ka soo muuqan doonaan warqadda codbixinta ee Noofembar 5, 2024, taas oo sidoo kale noqon doonta markii kowaad ee degmadu adeegsato codbixinta xulashada kala sareysa. Si aad wax badan uga ogaato codbixinta xulashada kala saraysa ee doorashooyinka soo socoda ee Magaalada Portland, booqo www.portland.gov/vote.
Dhammaan codbixiyayaasha diiwaangashan ee Degmada Multnomah waxay heli doonaan warqadda codbixinta ee doorashadan. Warqaddaha codbixinta waxa boostada lagu diri doona laga bilaabo Arbacada, Maajo 1, 2024.
Caawimadu waa la heli karaa talaabo kaste oo ka mid ah hanaanka codaynta, oo ay ku jiraan isdiiwaangalinta si aad u codayso, calaamadinta ama akhrinta warqadda codbixinta, cusboonaysiinta macluumaadka diiwaangalinta codbixiyaha, iyo fahamka shuruucda doorashada iyo talaabooyinka codbixinta. Haddii aad tahay codbixiye u baahan caawimo, waxa aad gali kartaa interneetka, oo aad wici kartaa Xafiiska Doorashooyinka 503-988-8683, iimayl u diri kartaa elections@multco.us, ama booqan kartaa goobahaQaybta Doorashooyinka ee Degmada Multnomah.
Caawimada waxa heli kara codbixiyayaasha naafada ah
Codbixiyayaasha naafada ahi waxa ay caawimo ka codsan karaan saaxiib, xubin qoyska ah, ama qof kale oo ay yaqaanan ayna aaminsanyihiin. Haddii loo baahdo, codbixiyayaashu waxa ay Qaybta Doorashooyinka Degmada Multnomah ka codsan karaan caawimo la xidhiidha doorashada. Kooxaha Caawinta Codbixiyaha ee doorashooyinku waxa ay codbixiyayaasha ku caawin karaan guryahooda, goobaha ay ku nool yihiin, ama goobaha adeega doorashooyinka ee Koonfur-Bari Portland ama Gresham (iska hubi saacadaha shaqada). Taageeradani had iyo jeer waa bilaash. Sharci ahaan, loo-shaqeeyayaasha ama wakiilada iskaashatooyinka waxa mamnuuc ka ah in ay bixiyaan caawimada codbixiyaha.
Unugga Codbixinta Madax bannaan ayaa u oggolaanaya dhammaan dadka deegaanka ahi inay si gaar ah oo madax bannaan u codeeyaan
Codbixiye ahaan waxa aad sidoo kale dooran kartaa si aad u codayso in aad isticmaasho Unugga Codbixinta Madaxa Banaan (Independent Voting Unit, IVU), kaas oo kuu oggolaanaya in aad si gaar ah oo madax banaan u codayso. IVU-yada waxa laga heli karaa Dhismaha Doorashooyinka Duniway-Lovejoy ee Degmada Multnomah ee Portland iyo Xarunta Codbixinta Degdegga ah ee Gresham, kuwaas oo furnaan doona Abriil 25 ilaa iyo Maajo 21, 2024.
IVU-yadu waa nidaam taablet ah oo kuu ogolaanaya inaad isticmaasho tignoolajiyada la qabsiga si aad u dhiibato codkaaga. Waxaa ka mid ah sameecadaha dhegaha si loo badbadalo codka iyo xawaaraha akhrinta warqadda codbixinta. Shaashadda taabashada waxay leedahay cabbirka farta la badali karo iyo saddex midab oo kala baxsan, ama gebi ahaanba waa la damin karaa. Waxaad isticmaali kartaa shaashad taabashada ah ama hage dhabta la saaran karo kaas oo ku qoran Ingiriisi iyo farta indhoolaha. Waxa aad codayn kartaa adigoo ku fadhiya kursi, markaad isticmaalayso qalabka dhaqdhaqaaqa, ama markaad taagan tahay adigoo isticmaalaya miis la badbadali karo. Haddii aad qabto su'aal, waxaad adeegsan kartaa badhank wicitaanka si aad ula hadasho shaqaalaha doorashada.
Ka dib marka aad calaamadiso oo aad hubiso doorashooyinkaaga, waxaad daabacan doontaa warqadda codbixinta, waxa aad saxiixi doontaa baqshadda soo celinta warqadda codbixinta, ka dibna waxa aad gelin doontaa warqadda codbixinta baqshaddaada soo celinta.
Unugyada Codbixinta Madaxa Bannaan ayaa diyaar u ah codeeynta illaa 8 p.m. ee Habeenka Doorashada, Maajo 21, 2024. Si aad u codeyso uguna calaamadiso warqaddaada codbixinta IVU, booqo mid ka mid ah labadeena goobood ee adeegga codbixinta. Codbixiye kasta wuxuu isticmaali karaa IVU si uu si madax bannaan ugu codeeyo.
Caawimada doorashada waxa sidoo kale lagu heli karaa luuqadda codbixiyuhu doorbidayo
Waxa aad sidoo kale codsan kartaa caawimo codbixinta ah taas oo ah luuqad aad fahamayso. Qaybta Doorashooyinka Degmada Multnomah waxa diyaar u ah shaqaale ku hadla luuqaddo kala duwan waxayna sidoo kale ku siin karaan tarjumaan, lacag la'aan ah, qof kasta oo u baahan in laga caawiyo codbixinta ama hanaanka doorashada kuna hadla luuqad aan ahayn Ingiriisi. Turjumista taleefanka ama hab muuqaalka ah ayaa lagu heli karaa luuqad kasta oo ay ku jirto Luuqqadda Dhegoolaha ee Maraykanka (American Sign Language, ASL).
Taariikhda kama dambaysta ah ee diiwaangelinta codbixiyaha iyo doorashada xisbigu waa Talaadada, Abriil 30, 2024
Taariikhda kama dambaysta ah ee diiwaangelinta codbixiyaha ee Maajo 21, 2024 ee Doorashada Musharaxiinta Xisbiyada, iyo sidoo kale wakhtiga kama dambaysta ah ee doorashada xisbigu, waa Talaadada, Abriil 30, 2024.
Dadka Oregon ee aan u diiwaangashanayn codaynta, ee haysta liisanka darawalnimo ee Oregon oo ansax ah, oggolaansha wadista ama ID waxa ay ka dhamaysan karaan diiwaangalintooda codbixinta interneeka ayagoo booqanaya OregonVotes.gov/Register. Haddii aadan haysan liisanka darawalnimo ee Oregon oo ansax ah, ogolaansho ama ID, ama haddii uu kaa dhacay, waxaad u baahan doontaa inaad buuxiso warqadda Kaarka Diiwaangelinta Codbixiyaha ee Oregon. Kaararkan waxa laga heli karaa Xafiiska Boostada Mareykanka, goobaha Laybareeriyada Degmada Multnomah iyo Dhismaha Doorashooyinka Duniway-Lovejoy ee Degmada Multnoma.
Haddii aad hore ugu diiwaan gashanayd inaad codayso, hadda waa wakhti fiican oo ay tahay inaad hubiso in cinwaankaaga iyo magacaagu ay ku jiraan diiwaanka diiwaangelinta codbixiyaha ayna saxsanyihiin. Codbixiyeyaashu waxa ay cusboonaysiin karaan maclumaadkooda si onlayn ah ayagoo booqanaya oregonvotes.gov/myvote ama adeegsanaya Kaarka Diiwaangalinta Codbixiyaha ee Oregon.
Abriil 30, 2024 ayaa sidoo kale ah wakhtiga kama dambaysta ah ee doorashada xisbiga. Codbixiyeyaasha raba in codeeyaan musharaxiinta xisbiyada Dimoquraadiga ama Jamhuuriga doorashada xidhan ee bisha Maajo waa in ay u diiwaangashanyihiin xubin xisbiga ah ka hor wakhtiga kama dambaysta ah. Codbixiyaasha aan ka tirsanayn xisbi, ama ka tirsan xisbi yar, ayaa heli doona warqadda codbixinta aan xisbi ahayn, oo ay ku jiraan gobollada, xafiisyada maxaliga ah iyo hindisayaasha aan xisbiga ahayn.
Hubi inaad xaqiijiso in diiwaanka codbixiyeyaasha uu ku jiro ciwaanka deegankaaga iyo ciwaanka boostadaada ee hadda, sidoo kale.
Iska diiwaangali Lasoco Warqadaada Codaynta
Adeegayaga caanka ah ee Lasoco Warqadaada Codaynta waxaa hadda lagu heli karaa luuqado badan! Waxaad dooran kartaa inaad ku hesho ogeysiisyada codbixinta iyo wararka luuqaddahan Ingiriis, Isbaanish, Ruush, Soomaali, Fiyatnaamiis, Yukreeniyaan, ama Shiinaha. Waxaa aad heli doontaa fariin wargalineed oo qoraal, iimayl ama cod ah marka xafiiska doorashooyinka Degmada ay boosta kugu soo diraan warqaddaada codbixinta, iyo markii ay helaan warqadda codbixinta ee aad ku celisay. Wargalintan ayaa sidoo kale tilmaamaysa haddii warqadda codbixinta loo aqbalay tirinta ama haddii codbixiye ahaan lagaaga baahanyahay talaabo dheeraad ah.
Codeeyayaashu waxa ay gudaha fariinta "Codaynta La Aqbalay" ka heli doonaan istiikarada khaaska ah ee Oregon oo ay ku qorantay "Waan Codeeyay" ku waas oo diyaar u ah in baraha bulshada lagu wadaago. Codbixiyeyaasha degmada Multnomah waxa ay ka furan karaan ayagoo booqanaya multnomah.ballot trax.net.
Macluumaadka warqadda codbixinta maqan
Codbixiyaasha ka maqanaan doona guryahooda malinta doorashada misa maalmaha u dhaw waxay codsan karaa warqadda codbixinta maqan in loogu soo diro boostada ciwaankooda kumeelgaarka. Si aad u hesho warqada codbixinta maqan waa inaad dhamaystirtaa Codsiga Arjiga Warqadda codbixinta maqan. Waxaad ka heli kartaa arjiga iyo warbixin badan oo ku saabsan diiwaangelinta maqaneha si onlayn ah multco.us/absentee. Sidoo kale waxa aad kala xidhiidhi kartaa Xafiiska Doorashooyinka elections@multco.us ama 503-988-VOTE (8683) ee wixii caawimo dheeraad ah.
Tirinta ilaa Maalinta Doorashada Maajo 21, 2024:
- Buug-yaraha Codbixiyaha ayaa loo diri doonaa dhammaan qoysaska deggaanka ah: Arbaco - Khamiis, Abriil 24-25, 2024
- Xarunta Codbixinta Degdega ah ee Gresham waxa ay furmaysaa: Khamiis, Abriil 25, 2024
- Taariikhda kama dambaysta ah ee diiwaangelinta codbixiyaha iyo doorashada xisbiga: Talaadada, Abriil 30, 2024
- Ku diridda boostada warqadaha codbixinta ayaa bilaabmi doonta: Arbacada, Maajo 1, 2024
- Dhamaan codbixiyeyaashu waa inay helaan warqaddahooda codbixinta: Khamiista, Maajo 9, 2024
- Maalinta Doorashada: Talaadada, Maajo 21, 2024
- Natiijooyinka doorashada kama dambaysta ah waxaa la cadaynayaa: Isniinta, Juun 17, 2024
Xafiiska Guud:
Dhismaha Doorashooyinka Duniway-Lovejoy ee Degmada Multnomah
1040 S.E. Morrison St., Portland, AMA 97214
Goobta Gresham:
Waxay furan tahay Abriil 25 - Maajo 21, 2024
Xarunta Codbixinta Degdegga ah ee Dhismaha Bari ee Degmada Multnomah
600 N.E. 8th St., Gresham, AMA 97030
Taleefan: 503-988-VOTE (8683)
Iimayl: elections@multco.us
Wabseedka: multnomahvotes.gov
#####